Nok et kvensk uår	Taas yksi nöyrävuosi kvääniile
Når kunne vi sist melde en virkelig god kvensk nyhet?	Koska met viimi kerran saatoima muistela tođesti hyvän kvääniuutisen?
Vi strever med å minnes.	Ei ole helppo muistaat.
Det må i så tilfelle være Sannhetskommisjonens uttalte og vedvarende interesse også for den urett som ble begått mot kvenene.	Se mahtoi olla silloin ko tottuuskommisuuni ilmoitti ette se tođesti aikoi käsitellä kansa sitä vääryyttä mikä oli ollu lantalaisten osana.
Men om erkjennelsen vil bli fulgt opp med politisk handling, gjenstår som kjent å se.	Mutta oonko tunnustuksen pörästä seuraava askelet poliittiset tevot, sen vasta aika näyttää.
kvenene virker å være tvunget til å leve på vent.	Nyt niin ko aina, lantalaiset häättyyvät ođottaat ette ođottaat.
Også økonomisk på vent, etter at Høyres Jan Tore Sanner i høstens forslag til statsbudsjett for 2021 foreslo det som i praksis var en stagnasjon i revitaliseringen av kvenenes språk og kultur.	Ođottaat kansa ökonoomisesti, sen jälkheen ko Oikkeiston Jan Tore Sanner syksyn staatinbudsetissa vuotta 2020 varten teki semmosen ehđotuksen mikä praktisesti meinaa lantalaisten kielen ja kulttuurin revitaliseeraamisen pyssäänyttämistä nykytasale.
Igjen skulle kvenfolkets hovedutfordrer – tiden – gis de beste vilkår.	Taas annethaan lantalaisten pääuhkaajalle – aijale – paras mahđolinen elinsija.
«Mange trodde at 2020 var året da satsingen på det kvenske skulle ta av», skrev vi i fjor på denne tiden, i en avventende leder som dessverre måtte kjøres i reprise i år.	«Usheet uskothiin ette vuosi 2020 olis se vuosi, ko satsaus kvääniassiisseen nousis lenthoon», met kirjoitimma viimi vuona tähän samhaan aikhaan johtokirjoituksessa.
Og trolig var det for optimistisk da vi omtalte myndighetenes manglende satsing slik:	Ja taittaa olla ette se oli liijan optimistinen ko kirjoitimma esivalttoin vailuuvasta satsauksesta tähän laihin:
«Vi velger å tro at det i «hvileskjær» ligger en forventning om at Sannhetskommisjonens konklusjoner vil bane vei for langt bedre økonomiske vilkår for kvenene som folk.»	«Met valittemma uskoot, ette tämä ”lepoväli” pittää sisälä sen ajatuksen ette tottuuskommisuunin konklusuunit aukaisthaan tietä kväänikansan ökonoomisen tilan paljole paranemiselle.
I ettertid har vi dessverre innsett at kvenfolket kanskje ikke har råd til å vente til kommisjonen er ferdig.	Nyt pörästä olema valitettavasti joutunheet havaittemhaan ette lantalaisilla ei piian ole tillaa ođottaat siihen ette kommisuuni oon keriny ittensä työstä.
Språket er snart borte, kultursatsingen spinner i motbakke.	Kieli oon heti poissa, kulttuurisatsauski vastalheessa.
Kun en haste-revitalisering for et par år siden kunne muligens reddet situasjonen, men staten sa – og sier – stadig nei.	Vain noppee satsaus revitaliseerinkhiin pari vuotta aikkaa olis mahđolisesti saattanu tehđä ette kieli ja kulttuuri oltais pärjänheet, mutta staatti sanoi ei – ja sannoo aina.
Året 2020 og sannsynligvis også store deler av 2021 vil gå inn i historien som perioden da «alle» fikk statlig økonomisk omsorg – unntatt kvenene som eget folk betraktet.	Vuosi 2020 ja luultavasti iso osa vuođesta 2021 mennee histoorihaan aikana ko ”kaikki” saathiin staatilta raha-appuu – mutta ei kuiten kväänikansa.
Derfor er våre forhåpninger for tiden borte.	Sillä met olema nyt mistantanheet toivon.
Beklager at vi et øyeblikk lar pessimismen ta overhånd, men den statlige seigpiningen begynner å ta på.	Pyyđämä antheeksi ette nyt kuitenki vähäksi aikkaa annama pessimismile vallan, mutta tämä esivalttoin piina alkkaa painaat meiđän yli.
«Det virker som om Stortinget passivt aggressivt lar den kvenske/norskfinske kulturen gå til grunne,» siterte vi Kvenlandsforbundet på i fjor, da anledningen var eksakt den samme: Et statsbudsjett med vekslepenger til kvenfolket.	«Se näyttää siltä ette Isotinka passiivisen aggressiivisesti anttaa lantalaisen/ruijansuomalaisen kulttuurin mennä tyyhään», siteerasima met Kveenimaanyhistystä viimi vuona ko tila silloin oli justhiin sama: Statinbudsetista löyttyy lantalaisile tyhä vaihetusrahhaa.
Vi var likevel betinget positive, på denne tiden i fjor.	Olima met kuitenki vähäsen positiivisetki tähän samhaan aikhaan viimi vuona.
Vi skrev at det gjenstår å se, om glasset er halvtomt eller halvfullt.	Met kirjoitimma ette vielä saama nähđä oonko klasi puolityyhä vain puolitäysi.
Vi drømte nemlig om en storsatsing i 2021.	Met näjet unistimma isosta satsauksesta vuođen 2021 budsetissa.
Vel, nå har vi sett.	No, nyt olema nähnheet.
Det ble ingen storsatsing i år heller.	Ei tullu mithään issoo satsausta tänäkhään vuona.
Igjen beklager, men glasset virker å være halvtomt.	Pyyđämä taas antheeksi, mutta näyttää ette klasi oon puolityyhä.
Vi ønsker likevel våre lesere en god senhøst.	Toivotamma kuitenki kaikile meiđän lukkiijoile hyvvää syystalvee.