miywâyâwin kâ-ayâhk wîcêwâkanihtowinihk kiskêyihtamowin masinahikanêkinis miywâyâwin kâ-ayâhk wîcêwâkanihtowinihk êkoni ôhi kâ-oskêpitamihk kwayask ka-pimâtisihk êkwa ka- nâkatêyimitohk ita kâ-wîkiyan. awâsisak kâ-wîci-ohpikimâht nâpêwak êkwa iskwêwak ita miywâyâwin kâ-ayâhk wîcêwâkanihtowinihk wiyawâw nawac ta-kî-miyo-ohpihisocik. ây-isiyiniwak pihcâyihk ita miywâyâwin kâ-ayâhk wîcêwâkanihtowinihk kinwêsîs ayiwâk pimâtisiwak êkwa pê-miyawâhtamwak pimâtisiwin. mitâtahtwâw isi ôhi miywâyâwina kâ-ayâhk wîcêwâkanihtowinihk: 1. aniki nîso kâ-ayâcik anima wîcêwâkanihtowin tâpwêmisowak êkwa kotakak ây-isiyiniwak. nisitohtamwak pîtos kâ-isi-isâyât kotak êkwa kwayask paminêwak ê-manâhcihitocik êkwa kwayask ê-paminitocik. 2. aniki nîso kâ-ayâcik anima wîcêwâkanihtowin pêyakwan isi wîci-kâpawîstâtowak. nîso-itasiwâtamwak kîkwây ta- kî-kîsêyihtamihk. kîspina awâsisitwâwi, pê-nîso-ohpikinâwasowak. 3. aniki nîso kâ-ayâcik anima wîcêwâkanihtowin êkây kaskihtâtwâwi ta-nîso-kîsêyihtamihk kîkwây, kikâ-kî-nîso- pîkiskwâtamwak êkây kâ-isi-miyopayik. mâmawohkamâtowak. miskamwak kîkwây isi ta-sâpôtahikocik kâ-isi- nitawêyihtahkik ôma. 4. aniki nîso kâ-ayâcik anima wîcêwâkanihtowin nâtohtâtowak êkwa manâhcihitâwak kâ-isi-nîso-pimosâpahtamihk kîkwâya. môya ohci itwêwak kîkwây ka-wîsakihikot ana kotak. 5. aniki nîso kâ-ayâcik anima wîcêwâkanihtowin otinamwak kîkwây wiyawâw kâ-isi-itôtahkik. môy ohci- nitawêyimêw kotak ana ta-kakwê-kîsihtamâht ahpô nayêstaw ta-kakwê-miywêyihtamihikot. 6. aniki nîso kâ-ayâcik anima wîcêwâkanihtowin kwayask nakâyâskamwak âskaw ta-pa-pêyakot kîspin êkosi nitawêyihcikâtêki. miywâyâwak mâna kâ-pêyako-itôtahkik kîkwây êkây kotak êkota ka-ayât. 7. nama-kîkwây kostamiwin ohci ihtakon anima ita wîcêwâkanihtowinihk. miywâyâwin kâ-ayâhk wîcêwâkanihtowinihk oskêpicikâtêw ita ohci sâkihitowinihk, manâhcihitowinihk, nâkatêyimowinihk êkwa miywâyâwinihk. 8. aniki nîso kâ-ayâcik anima wîcêwâkanihtowin môy kakwê-nakinêwak kotaka ahpô ta-kakwê-tipêyimêw. sîhkimitowak mâna êkwa wîcôkamawêwak ta-ohpikihiht kotaka. 9. kiyâm kîspin aniki nîso kâ-ayâcik anima wîcêwâkanihtowin canawîtwâwi, osihtâwak ta-nâkatamêyimitohk anima ita wîcêwâkanihtowinihk. 10. aniki nîso kâ-ayâcik anima wîcêwâkanihtowin ayâwêwak kotaka ây-isiyiniwak kâ-kiskêyimihcik êkwa kâ- wîcôkamâhcik kâ-isi-nîsocik ôki. kiyôkawêwak kotakak êkwa maskawâwa êkwa miyo-wîcêwâkanihitowak. kanawêyihta kiwîcêwânihtowina ta-maskawâki mîna ta-miywâyâki ta-kanawêyihtamihk miywâyâwin kâ-ayâhk wîcêwâkanihtowinihk ohcitaw poko kinwêsîs ispayin, ka-atoskâtaman mîna nâkatêyimowin kika-âpacihtâyan – mâka ohci miyonohk kikâ-ayân. miywâyâwin kâ-ayâhk wîcêwâkanihtowinihk kotokak miyo-manâhtisowak, miywêyihtamwak êkwa kwayask pimâtisiwak. kâ-kisiwâsihk ôma ohcitaw ka-ihtakon ita wîcêwâkanihtowinihk êkwa âskaw nitawêyihcikâtêw ta-wîcihihcik. Alberta Children and Youth Services ayâwak ita ka-pîkiskwêyan ê-miyiskik kiskêyihtamowin nanâtohk ohci wîcêwâkanihtowin asici mîna tanisi kika-isi-itôtaman ta-miywâyâk kiwîcêwâkanihtowinihk, isko mîna ka-isi-nisitawinaman kîspon mâyi- paminikawiyani. ka-miskaman anima itahto-wâpan-tipahikan sêwêpita 310-1818 môy katâc ka-tipahikêyan êkwa wîhtamaw ana kâ-wî-pîkiskwâtat kîko wîcihitowin ahpô kiskêyihtamowin ê-isi-nitawêyihtaman. nâta kiskêyihtamowin nohtê-wîcihikawiyani ita kâ-ayâyan ahpô ayiwâk nohtê-kiskêyihtamani, sêwêpita anima itahto-wâpan-tipahikan Family Violence Line môy katâc ka-tipahikêyan ita 310-1818 ahpô kiyôkâta: Correctional Services of Canada (CSC) wiyawâw kâ-nâkatohkêcik kipahwâkana kâ-misihowiyit mîna ka-kanawêyimâcik anihi ayisiyinînâhk ayiwâk nîswâskiy kâ-wiyasiwâtimiht. kîspin kikî-mâyi-tôtâkawin, ninôhtê-kêhcinâhonân kwayask ka-paminikawiyêk mîna ka-kistêyimikawiyêk. ê-kihcêyihtahkik otatoskêwiniwâw Victim Services Officers kika-wîcihikwak ka-wihtamâkwak kîkwây ôma CSC mîna ana kâ-kî-mâyi-tôtâsk ka-âcimêwak. kâ-pêyakoskânêwihk êkwa ayisiyinînîhk nikiskêyihtênân ê-mistêyihtâkwahki kâ-pêyakoskânêwihk êkwa mîna ê-wîtaskêmitohk ayisiyinînîhk ôta Canada. êkwa mîna nikiskêyihtênân ayisiyiniw mâna kâ-mâyi-tôtâkot awiya, kiskêyimêw anihi. ka-kî-kahtitinên kîkway êkota ê-âcimiht ana kâ-kî-mâyi-tôtâsk êkwa kîspin môy kinôhtê-kiskêyimâw ana ayisiyiniw. nika-kistêyihtênân tânisi kiya ê-isi-nitawêyihtaman. ka-kî-pîkiskwân kîsta anita Federal Correctional Process pâ-pîtos isi kîsta ka-kî-mâmiskôtên anita ispîhk wiyasiwêhki. wîhtamâkêwin kika-kî-miyikwak CSC êkwa mîna kikâh-miyikawin âcimowin ê-âcimiht awa ayisiyiniw kâ-kî-mâyi-tôtâsk. mîna kika-kî-wîhtamawâwak aniki Victims’ Advisory Committee (VAC) tânisi kiya ê-itêyihtaman. êkota mêskoc VAC wihtamawêwak CSC êkwa anihi Parole Board of Canada (PBC) ta-wîcihikoyit ka-masinahahkik wiyasiwêwina êkwa isiyihcikêwina ka-pimitisahamihk ispîhk ayisiyiniw kâ-wî-pakitiniht. ta-isi-kahtitinamihk wihtamākēwin nitawêyihtamani âcimowin ana ohci kâ-kî-mâyi-itôtâsk kâ-misiot sôskwâc piko ta-kiskêyihtamohacik CSC ahpô PBC. ôma kâ-wihtamâskik ka-nisitohtên tânisi ôki CSC êkwa PBC ê-isi-waskawîcik ispîhk kâ-wî-pakitinâcik ayisiyiniwa. êwakôma kâ-wihtamâskik ka-wîcihikon êkâ ana kâ-wî-pakitiniht ka-kî-mâyi-itôtâsk êkwa mîna ka-wîcihikon ka-ati-miywâyâyan. mîna ka-kî-kahtitinên âcimowin kotakak ayiwâk ohci ahpô awiyak ê-mamisîtotawat ê-miyo-wic êwat ka-kî-katinikêstamâk ôma âcimowin. awîna ka-kî-kahtitinam âcimowin? anita Correctional and Conditional Release Act (CCRA) wiyasiwêwin omisi itwêmakan awîna ka-kî-wihtamâht âcimowin kā-misihoyit ohci awiya nîswâskiy ahpô kinwêsîs kâ-kipahomiht: awiyak kâ-kî-mây-itôtâht wiyawihk ahpô ê-pîkwêyihtamâtisit omâmitonêcikanihk ayisk awiya ê-kî-misi-pakamahokot, owîkimakan ahpô owîcêwâkan, owâhkômâkana, ahpô ana wiya awiya ê-kî-nakataskêyit wiya ohci ahpô cî awiya êkâ ê -kaskihtâyit ta-nâkatohkâsoyit. (tâpiskôc awiyak ê -âhkosit ahpô ê-awâsisîwit), awiya kâ-kanawêyimâyit anihi kâ-kî-mâyitôtâht ocawâsimisa, ahpô awiyak kâ-misihkêmot simâkanisak isi ahpô kihci-okimânâhk. kîko âcimowin ka-kî-kâhtitinên ohci ana kā-misihot kâ-kî-wiyasiwâtiht? ispîhk kakwêcihkêmowin kahtinamâhko, ôma kika-wihtamâkawin: tânisi ana ê-isiyihkâsot kâ-wiyasiwâtiht tânisi ê-itahkamikisit êkwa anima kâ-isiyihkâtêk anima wiyasiwêwikamik ita kâ-kî-wiyasiwâtiht tânisipîhk kê-mâcihtât ana kâ-misihot kâ-wiyasiwâtiht owiyasiwêwin êkwa tânispîhk ta-pônipayiniyik êkwa tânispîhk kâ-misihot kita-kî-pakitiniht êkwa tânispîhk ê-mâmiskocikâtêyik mahti kîspin aciyaw ta-pakitiniht êkwa kîspin nôhtaw ka-pakitiniht. ôhi mîna ayiwâk ka-kî-isi-wihtamâkawin: tânitahtopiponêt ana kâ-misihot; kîspin ê-kipahoht ana kâ-misihot êkwa, kîspin namôya, tânêhki; tânisi ê-isiyihkâtêk anima kipahotowikamik êkwa tânitê ê-astêk êkwânima ita kâ-kipahoht ana kâ-misihot; mîna kîspin kotakihk kipahotowikamikohk wî-isitisahwâw ana kâ-misihot; mîna âcimowin tânisi ê-itôtâht ta-wîcihiht ana kâ-misihot mîna isihcikêwina anihi kâ-kîsihtât ta-wîcihisot; kîspin mitoni kwayask kî-mâyahkamikisiw awa kâ-misihot mîna mâyahkamikiskici ita kâ-kanawêyimiht; tânispîhk ana kâ-misihot aciyaw ka-pakitiniht, ka-nitawi-atoskêt, aci-nâkatêyimisot, piko ta-pakitiniht, isipîhk aniki Parole Board of Canada kâ-wî-mâmiskôtâhkik mahti ta-pakitinâcik anihi kâ-misihoyit; tânêhki ohci kîkway kâ-wî-pakitiniht aciyaw; kîkwây astêwa êkota ka-pimisahahk awa kâ-misihot aciyaw kâ-namatêci, nitawi-atoskêci, ôci-nâkatêyimisowin,êkâ cî piko ka-pakitiniht; tânitê ê-wî-itohtêt awa kâ-kî-misihot pakitinihci aciyaw kâ-namatêci, nitawi-atoskêci, ôci-nâkatêyimisowin, êkâ cî piko ka-pakitiniht;êkwa kîspin awa kâ-kî-misihot wî-papâmâcihow êkotê isi nânitaw kâ-ayâyit anihi kâ-kî-mây-itôtawât;êkwa tânispîhk aniki Parole Board of Canada kâ-wî-mâmiskômâcik ana kâ-misihot. kikway kā-nôhtē-wihtaman kîspin nitawêyihtamani, kîkway kâ-kîī-wihtên tânisi ê-isi-pakamiskâkoyan ôma kâ-mây-itôtâkawiyan ahpô mîna ê-isi-môsihocik kîtisânak ahpô mîna ka-kî-âcimâw ana kâ-mây-itôtâsk. êkôma kâ-wihtamawiyâhk ka-kî-âpacihcikâtêw tânisi ka-isi- kîsêyihtamihk pakitinihci awa kâ misihot. ahpô mîna ta-âpacihtâwak PBC ta-kîsêyihtahkik kîspin ka-pakitiinâcik ana kâ-misîhot ayisiyinînâhk isi. kâ-pê-pîkiskwâtacik mâna ôki CSC Victim Services kîkway kâ-nôhtê-kiskêyihtaman, namôya wîhtamawâw kâ-misihot. mâka kîspin kîkiway wîhtamani êkâ ta-pakitiniht ana kâ-misihot kipahotowikamikohk ohci êkota piko ta-wihtamâht ana kâ-misihot. mâka namôya ta-wihtamawâw tânitê ê-wîkiyan êkwa kisêwêpicikan akihtâsowin mîna môy ka-miyâw. ôta ka-kî-kahtitinên âcimowin ka-kî-pîkiskwâtâwak CSC ayiwâk kîkway nôhtê-kiskêyihtamani ahpô âcimowin nôhtê-kahtitinamani namôya kâkatâc ta-tipahikêyan: 1-866-806-2275 kotakihk ita ka-kî-itohtân Parole Board of Canada – Services for Victims namôya kâkatâc ta-tipahikêyan 1-866-789-4636 Department of Justice – Victims Fund (sôniyâw ka-miyikawin ta-itohtêyan Parole Board mamawapiwina) namôya kâkatâc ta-tipahikêyan: 1-866-544-1007 The Office of the Federal Ombudsman for Victims of Crime namôya kâkatâc ta-tipahikêyan: 1-866-481-8429 nipimipahtâw kiskinawâcasinahikan ôma kiskinawâcasinahikan kiwîhtamâkon ôma kiskinawâcasinahikan anima kâ-nohtê-kiskêyihtaman ê-isikiskowasinahikêk kihci-okimânahk êkwa kîkway ka-pakosêyimowîn ispîhk kiskowasinahikêyini. kîkway ôhi mâna ohci pimipahtâwina? ispîhk mâna kâ-têpwâtamîhk kihci-okimâw pimipahtâwin, kinawasônâw ana okimâw ka-pîkiskwêstamâsk kihci-okimânâk, ana kâ-nawasônîht kihci-okimânâk kâ-ayapiw kotaka nawasônikâkanak ta-tasîcikêcik wiyasiwêwina ka-osîhtâcik ayisiyinowak ohci. nisto mitâtahtomitanaw êkwa nistomitanaw ayênânêwosâp ihtakwana ê-pâh-piskihcastêki pimipahtâwina ôta kanâta. ispîhk mâna kâ-pimipahtâk, pêyak okimâw nawasônâw kapîkiskwêstamawât êkota pimipahtâwinîhk ayisiyinowak. kahkiyaw ôhi ohci pimipahtâwina kâ-ihtakôki pêyak apiwin ê-itakohk kihci-okimânâk. aniki kâ-pimipahtâcik ka-kî-nîpawîstamawêwak anihi kâ-wîhtâpisômâcik, êkâcî ka-kîpêyako-pimipahtâwak, êkosi namôya awiya ê-wîhtâpisômât. ispîhk kahkiyaw kî-kîsiakihtamihki kiskowasinahikana ôhi pimipahtâwina, aniki kâ-otahowêcik mâmawacimîhcêt pimipahtâwi-apiwina, êkonik aniki ka-okimâwacik ka-pimipayitâcik kitaskînaw. ana kâ-nîkânîstawât kâ-pîhtikwêcik, êyako êkwa kihci okimâw kitaskînaw kanâta. nika-kî-pimipahtân cî? ka-kî-pimipahtân kîspin: kitohcîn kanâta ayênânêwosâp kitâtipiponân pimipahtâki kitayân masinahikana ê-kiskinawihôkwiyan êkwa ita ê-wîkiyan nimasinahikâson cî ka-pimipahtâyân? kêhcinâhôkan ê-masinahikâsoyan kîspin kî-sipwêpicin, mastaw kâ-akimikawiyan ohci ôta kanâta, êkwayâc nistam ê-wîpimipahtâyan, êkâ cî ê-kiskinawahamâkosiyan ê-sipwêpiciyan ohci wâskahikan, ahpô êitkwê mîna namôya kwayask kistasinawâw. itohtêkan elections.ca/register ka-nitowâpênikêyan, tâh-takwastâ êkâcî sâkaskinâtâ ita kâ-masinahawisoyan. wêcasin êkwa namôya kinwês ka-nohcîtân ispîhk nitôpimipahtâyani. kinitowêyihtên ka-wîcihikawiyan? pê-sêwipitamawinân ôta 1-800-463-6868. Plains Cree (03/2015) asawâpahtamôkan kipimipahtâwasinahikanis ispîhk masinahikâsiwini, ka-pê-itisahamahkowin pimipahtâwasinahikanis wîpac êkota mwêstas kiskêyihcikâtêki ispîhk ê-wî-pimipahtâk. kiwîhtamâkon ispîhk, tânitê êkwa tânis îsi ka-isi-pimipahtâk. âsawahpâtamôkan ki-wîhowin êkwa itê kâ-wîkiyan anita têhimânîhk. kîspin kitâpwân, kimasinahikâson ka-pimipahtâyan. kîspin wanitohcikâtêw, êkâcî namôy kimiyikawin têhamân, itohtêkan elections.ca êkâcî sêwêpitamawinân ka-tâh-takwastâcik ka-kiskêyihtamowacik ohci kiya. mîna awa têhimân ki-wîhtamâk: itê ê-âh-astêki ohi kipimipahtâwina tânis îsi ka-isi-kwêcihkêmoyan ka-itwêstamâkêk êkwa ê-âyisiniskêk tânis îsi ka-isi-kwêcihkêmohk kotak wîcihikowin tânis îsi ôma ka-kî-isi-pimipahtâk? mihcêt ihtakwana ka-isi-pimipahtâk: ispîhk kâ-wî-nawisônikêk kîhsâc ta-mêhkiyin ki-wîhowin pâmwayês pimipahtâki pimipahtâwikamikohk kanâta ka-sipwêtasinahâman ki-wîhowin awîna ê-otinat kâ-pimipahtâk nitô-pimipahtâkan ispîhk pimipahtâki nîsosâp tipahikana ka-ôtênikâtêwa ita kâ-wî-pimipahtâyan ka-nitowâpênikêk tânispîhk êkwa tânitê ka-pimipahtâk ispîhk têpwâcikâtêki pimipahtâwin: nitawâpênikawâkan ana pimipahtâwasinahikanis kâ-kî-pê-itisâmâkawiyan itohtêkan elections.ca mâmaskâtâpacihcikanîhk êkwa masinatahamôkan kitaskiyowakîhtâsowin ohci pimipahtâw kiskêyihtamowina sêwêpitamawinân ôta 1-800-463-6868 pimipahtâkêk iapîhk kâ-nîkân-tawinikâtêki wî-pimipahtâki pimipahtâkêk nikotwâw ôhi nêwo kîsikâki kâ-nîkân-tawinikâtêki ka-pimipahtâk ka-tawâw ita kâ-wî-nîkan-pimipahtâtâk âpihtâ-kîsikâki iskohk ayênânêw tipihikan pimipahtâwêwinîhk ita kâ-wî-pimipahtâk ka-miskaman anihi kîsikâwa kâ-wî-nîkân pimipahtâk êkwa tânitê ispîhk pimipahtâwin têpwâcikâtêki: nitawâpênamôkan anima têhimân ohci pimipahtâwi-kiskêyihtamowin kâ-kî-pê- itisahamâkowiyan 2 itohtêkan elections.ca mâmaskâtâpacîhcikan êkwa masinahatahamôkan kitaskiyowakîhtâsowin ohci pimipahtâw kiskêyihtamowina sêwêpitamawinân ôta 1-800-463-6868 pimipahtâkan anita pimipahtâwikamik kanâta ispîhk pêyakwâw têpwâcikâtêki ta-pimipahtâk, pikw anima itohtêkan pimipahtâwinîhk misawêyaskiy kanâta kâ-astêki nikotwâsik tipahikan nîso-kîsikâki pâmwayês wîpimipahtâki ka-miskaman pimipahtâwikamik kanâta cîki kâ-ayâyan, nitawâpênikêkan elections.ca êkâcî sêwêpicikêkan 1-800-463-6868. sipwêtasinahamôkan anima kipimipahtâwin kîspin namoy êkota kitayân ita kâ-wîkiyan ispîhk pimipahtâki, êkâcî kîspin nawac ê-wêcipayik, ka-kî-sipwêtasinahên kipimipahtâwin. êkos îsi ôma: ka-sâkiskatanâtâyan ka-kâcitinaman anima pimipahtâwasnahikan. ka-kî-kâcitinên sâkiskanêwasinahikan ôta elections.ca pikwîtê pimipahtâwikamikwa kanâta , okimâwikamik kanâta, kihci-okimâwikamikohk. ê-sôkêyihtâkwâhk: kâ-kiskiniwâtisinahikâtêk ki-kiskinowâcihowinis, piko ka- kâcitinamahk nikotwâsik tipahikan nîso-kîsikâki pâmawêw wî-pimipahtâki. ispîhk kâcitinamani anima kâ-kî-sâkiskanâtâyan, ka-sipwêtisahamâtinân pimipahtâwasinahikan kahkiyaw kîkway kâ-nitowêyihtaman ohci ka-pimipahtâyan. êkâya pêho! piko ka-pêhtâyan ki-pimipahtâwasinahikan kâwi ka-otihtikoyan êkwa anima kâ-masinahaman ki-wîhowin ka-otihtikocik pimipahtâwin kanâta ispîhk pimipahtâki. kîko kiskinowâcihowinisa ka-kî-sipwêyihtatâyân? kâ-wî-pimipahtâyan, piko ka-wâpahtiwêyan kiya kitayisiyiniyiwin êkwa itê ê-wîkiyan: wâpahtihiwêkan pêyak okimâwak kâ-kî-pê-itisihamâskik kiya kitayisiyiniwin kisik ê-astêk kimasinipayiwin, kiwîhowin êkwa itê kâ-wîkiyan. tâpiskôc, kipamihcikêwasinahikana. êkâ ci nîso wâpahtahîwêkan kiya kitayisiyiniyiwina. piko ê-isinîsiki ka-ayâki ki-wîhowin êkwa mîna pêyak piko ka-astêk ita kâ-wîkiyan. tâpiskôc, kitâhkosîwasinahikan êkwa mîna kiwâsaskotêwasinahikêwin êkâ cî 3 otinamôkan kihci-itwêwin. nîso kitayisiyiniwinisa wâpahtihîwêkan ê-masinahikâtêki ki-wîhowin êkwa awiyak ê-kiskêyihmisk ka-nîpawîstamâsk itê kâ-wîkiyan. piko kâ-ayât awa ayisiyiniw tipiyâw ê-isi-kiskêyihtâkosit êkwa ita ê-wîkikit êkwa ê-masinahikâsot pêyakwan itê kâ-wî-pimipâpahtââk. êkw âwa pêyak piko kotaka ayisiyiniwa ka-kî-nîpawîstamawêw ayisiyiniwa. nitotinênân kiskiniwâcisinahikanisa êkwa masinahikana okimânâk kâ-mêkihk.ôhi masinahikana kâ-sâpakotêki wâsiyâpîhk( tâpiskôc âkihtâwasinahikana êkâcî masinahikanêwiasinahikan), nitôtinênân ê-isi-tasinahikâtêki êkâcî ka-kî-wâpahtihiwân âpacîhcikanîhk mâna kâ-pâmohtitâk. tânisi ispayin mâna ispîhk kâ-nitô-pimipahtâyân? pîyisk mâna kâ-masinahikâsoyan, omisi ka-kî-isi-pakosêyimon ispîhk wî-nitôpimipahtâyani anita kipimipahtâwinîhk. 1. ispîhk âti-pîhtikwêyani ita ka-pimipahtâk, kitatamiskâk pimipahtâw atoskêw êkwa kikiskinawâhamâk tânima êyako mîciwinâtik. 2. êkota kimîciwinâtik, kêhcinâhôkan kâ-wâpahtihiwêyan kikiskiniwâcisinahikan êkwa itê kâ-wîkiyan. 3. ana pimipahtâw atoskêw ka-masinahikêsô, nâh-napwêkinam êkwa ka-itisinamahk pimipahtâwasinahikanis 4. itohtêkan nêhtê nâway pimipahtâwi-cikâstêpicikanisa, masinahamôkan êkwa kîhtwâm nâh-napwêkinamôkan kipimipahtâwasinahikanis ka-kîmôtastêk. 5. kâwi mîyâkan ana kâ-atokêt êkota kipimipahtâwi-asinahikanis êkosi ka-kîmanipitamwak kâ-âkamosiki mâna pimipahtâwasinahikanisîhk. 6. astâkan kipimipahtâwasinahikanis êkota mistakowatîhk. okiskinwahamawâkan ôma niya tânis îsi ôma ka-kî-isiwawêyihyân ka-pimipahtâyân? wî-pimipahtâyani, piko ka-masinahikâsoyan. nitowâpênamôkan, ka-takwastâyan nîkânohk êkâcî kîsasinahamôkan kâ-masinahikâsoyan elections.ca/register. kîspin nîso pîtos itê kiwîkin pêyak kâ-mêkwâ-kiskinwâhamâkawiyan, kotak namoy kâkiskinwâhamâkawiyan otinamôkan anima itê kâ-wî-wîkiyan êkosi ê-kwâ nima ka-kîâpacihtân ita ê-wî-kisâtaman ka-masinahakawiyan. ka-pimipahtâstamawâw ana êkota kâwî-pimipahtât itê kâ-wîkiyan kâ-astêk. ispîhk kistasinawakâsiwîni, kê-itisahamâkowin pimipahtâwasinahikan mwêstas kî-isitêhpwâtâkâw kâ-wî-pimipahtâk. kiwîhtamâkon tânitê êkwa tânispîhk ka-pimipahtâyan. kiskisîhkan: kîspin namoy êkota kiwî-ayân ita mâna ka-kî-pimipahtâyan, êkâcî kîspin nawac wêhcasin, ka-kî-sipwêtasinahên kipimipahtâwin êkâcî pikwânihi pimipahtâw atoskêwikamik 4 kîkway êkota astêw nawac ka-wêhcasik ka-pimipahtâk? mîhcêt niwîcihânânak kâ-pê-pimipahtâcik êkwa ka-miyâkok pah pîtos kâ-isinitowêyihtâkik ayisiyiniwak ohci kanâta. êkoni ôhi ohci pimipahtâwin kâ-âpacihcikâtêki êkwa ê-isi-wîcihitâsoyâk: mâhkipicikan âpacihcikanis ohci namoy kâ-wâpicik kâ-miyowastêk tâkôc ita kâ-otinikâtêki wîhowina kâ-mâkasinahikâtêki wîhowina aniki kâ-wî-pimipahtâcik ka-masinahikâsowak aniki itâhto kâ-wî-pimipahtâcik ohci aniki namôya kâ-wahpicik (ka-ayâniwiw ispîhk pimipahtâki) itwêstamâkêwak kâ-ayisiniskêwicik ( nîkân ka-têpwâsinân kîspin êkos îsi nitowêyihcikâtêki) ka-wîcihikawin ka-sâkaskinâtâyan ana kâ-wî-otinat nawac ê-miywâsiki pimipahtâwi-cikâstêpicikana nawac ka-kîhkâsawêki kîspin namoy kikaskîhtân ka-nakataman ita kâ-wîkiyan êkwa êkota ê-nohtê- pimipahtâyan, sêwêpitamawinân ita ka-kî-nito-pimipahtâk kîspin kimasinahawikowin ka-pimipahtâyan, ka-mîhkawin pimipahtâw wîhtamâkowasinahikanis wîpac mwêstas kî-isi-têpwâcikâtêki ispîhk kâ-wî-pimipahtâk. kiwîhtamahk awa têhimânis tânis îsi ka-kî-isi-takosiniyan itê ka-kî-pimipahtâyan. Mîna ka-kî-miskên ôma ka-wîhtamâkoyan elections.ca ka-masinahaman ita ka-kîmiskahkowiyan êkâci ka-sêwêpicikêyan 1-800-463-6868. ispîhk wî-nito-pimipahtâyani, nikotwâw ita kâ-pimipahtâyan kâ-ayâw kâ-kawâc-ôtêpayik iskwâtêm êkâcî êkota iskwâtêmîhk kâ-ayâw pimipahtâwi-atoskêw ta-wîcihisk. mahti kiyâm kiskêyihtamohâkan ana ayisiyiniw tânis îsi kâ-kî-isi-wîcihitâsocik. mîna nitowâpênênân mâna ka-kî-isi-takôtêk itê kâ-pimipahtâk itahto kîsikâwa isîhk pimipahtâki. kîpin kîkway kitayân kakwêcihkêmowina êkâcî nânitaw ki-nohtê-itwân ohci itê kâ-pimipahtâyan, mahti kiskêyihtamowinân êkwa nika-kitâpahtênân. ita kahkiyaw kîkway ê-nitowêyihtâkwâki ka-nawasôwinamîhk wâskahikan ita ka-pimipahtâk, itohtêkan elections.ca. tânisi ka-kî-isi-naskwêwasihâwak pimipahtâwêwinîhk kanâta? wihtamawinân tânisi ê-sowêpinikêyâhk. niwîcihikonân nawac ka-miyo-wîcihitâk. ka-kî: sâkiskinâtân anima kâ-naskwêwasihaman masinahikan elections.ca sêwêpitamawinân ôta 1-800-463-6868 têpwâsinân anita TTY ôta 1-800-361-8935 5 kîspin êkota astêw ka-naskwêwasimowiyan, mîna ka-kî: sâkiskanâtân naskwêwasinahikan anita elections.ca êkâcî itê mâna kâ-pimipahtâyan pîkiskwâtâw awiyak kâ-atoskêt êkota pimipahtâwin ohci ispîhk nitô-pimipahtâyani tânitê ôma ka-kî-kâtitinamân ayiwâk âcimostâkêwin ? nitonamôkan elections.ca sêwêpicikêkan 1-800-463-6868 ka-sêwêpitamawinân anita TTY ôta 1-800-361-8935 pimipahtâwinîhk ohci kanâta kaskîhowak tako âcimowina pimipahtâwêwina ohci, tâpiskôc: âcimostâkêwin êkwa kîkwaya kakwê-mâmêkîhk ê-pêyakwanâkwâk pimipahtâwêwasinahikanis ka-kiskêyihtamawihikwin âcimowina ka-kî-iskonên mâmaskâtâpacihcikanîhk mîhcêt ôhi âcimowina ôta elections.ca êkâcî ka- kî-têpwâsinân ka-itisahamâtâk kotaka ê-kâ-kîhtwânasinahikâtêki kâ-natawâpâtâk opimipahtâwina kêcinâhôkan ê-masinahikâsoyan anita elections.ca nâkatôkêkan kitâcimostâkêwinis kêcinâhôkan kwayask êkwânima kikiskiniwâcisinahikanis ê-miywâsik kâ-ayâyan miskawik aniki kâ-wî-nipimipahtâcik itê isi kâ-wîkiyan masinahikana kâ- otîhtikowiyan nikotwâsik âkihcâsowinisa ka-pakamâskahaman elections.ca pêyak otinamôkan ka-pimipahtâyan âta mîhcêt ê-itakôki masinahamôkan kipîsimowasinahikan ê-kihciwêyihtâkwâki kîsikâwa mâmitonêyihtamôkan tânis îsi êkota ê-wî-isi-takosiniyan 6 mâna kâ-âpacihtâhk ôma kâ-sîwâspinêhk, âyiman mâna kiyawihk ka-âpacihtâhk êkwa ta-mâwacihtâhk mîciwina kâ-maskawisîskâkohk. êwakoni ôhi mîciwina sîwinikan glucose êkota ê-ihtakok ka-kî-mîcihk ka-miyoskâkohk. glucose ôma ka-kî-ohtinên nanâtohk mîciwina ohci, tâpiskôc sîw-âya, tohtôsâpoy (kâ-wâpiskâk), starches (tâpiskôc pîswêhkasikan, wâpayôminak, êkwa sêkipatwâw-mîciwin) mîna ê-sîwinikâtêki mîciwina êkwa minihkwêwina. kâ-kîsi-mîcisoyan, ispâhkêkotin anima kimihko-sîwinikan. nâkatohkâta kahkiyaw kiyaw, kimâmitonêyihcikan êkwa kitahcahkom. miywâyâwin kiwîcihikonâwâw kahkiyaw, kiya êkwa kiwîtokêmâkanak êkwa kitayisiyinîmak. ispîhk ka-mîcisohk wîci-mîcisômitok mâna kiwîtokêmâkanak. tânêhki: mistahi itêyihtâkwan ka-mâmawi mîcisohk. miywêyihtâkwan êwako êkwa mîna awâsisak ka-kiskinowâpahtamwak êkos îsi ka-isipimitisahahkik. kistêyihtâkwan mâna êkosi kâitôcikâtêk êkwa ka-nanâskomohk ê-miyikowisihk pimâtisiwin êkwa mîciwin mîna kâ-miyikawiyan. mîcisok nistwâw tahto kîsikâw. êkâwiya osâm kinwês pêho mwayês kîhtwâm ka-mîcisoyan (môy ayiwâk nikotwâsik tipahikana). tânêhki: nahiyikohk mîcisohki ispîhk ita ka-kîmîcisohk mâna wîcihômakan kwayask kâ-itastêk sîwinikan kimihkohk. êkos îsi ôma ê-kî-isi-osîhtât miyaw kisê-manitow ka-isi-atoskêmakaniyik. kîspin êkâ kîkihk ayâyani ispîhk ka-kîmîcisoyan, pimowitâ mîciwina ta-miyoskâkoyan. tânêhki: kiwîcihikon ta-miywahcikêyan pikw îtê itohtêyani. (nîmâ ahkwêhtawahcikan, tahkona pîwi-kiscikânisa êkâ cî sîw-âya). kâ-ayâhk mâna sîwâspinêwin, miywâsin tâpitaw kawaskawîhk êkwa ka-mîcihk mîciwin kâ-miyoskâkohk. kîkwây ka-mîcihk pâh-pîtos mâna mîciwina mîci tahtwâw kâ-mîcisoyan êkâ cî kâmîcisosiyan. tânêhki: anihi kâ-otinaman mîciwina ohci kahkiyaw mîciwin kakêhcinâhômakan miyaw ka-kâhcitinahk anihi mâna kâ-miyoskâkêmakahki êkosi mitoni ka-miyomahcihohk. nawasôna mîciwina nawac tâpiskôc pakwac-âyihk ohcitaw kâ-kîisi-osîhcikâtêki. (iyinito-wiyâsa êkwa kinosêw, kihcikamîwaskosiy, mînisa, maskosîminak, ayôminâpoy, kiscikânisa (lentils), iskwêsisîhkân, pîsi-kiscikânisak êkwa ê-kîsisocik pâstêw-iyiniwacisak miywâsinwa taotinikâtêki.) tânêhki: anihi mîciwina askîhk kâ-ohtinamihk mâwaci-miywâsinwa miyawihk ohci. ôhi mîciwina mâna ohcitaw ê-kî-miyikowisiyahk tamiyoskâkoyahk êkwa namôy wâhyaw ohci wâskahikanihk ka-miskamihk. nawasôna ôhi mîciwina ayisk mistahi fibre kâ-isiyihkâtêk astêw êkota: kistikâni-pîswêhkasikanak, kîkisêpâ-mîciwina êkwa pasta, aski-sîw-âya, pîwi-kiscikânisa êkwa legumes (ê-pâsocik iyiniwacisak êkwa kiscikânisa (lentils)) mâna miywâsinwa ka-otinamihk. tânêhki: kikîsposkâkon mâna mîciwina mistahi kâ-ayâki fibre êkwa kayâsipayin sîwinikan (glucose) mîna cholesterol kâ-astêk kimihkohk. mistahi nawac mîci pîwi-kiscikânisa. (ê-osk-âyiwiki, ê-âhkwatiki êkâ cî ê-kaskâpiskahamihk). tânêhki: mistahi astêwa nutrients ka-miyoskâkohk miyawihk mâna ôhi pîsikiscikânisa. ati-nôhtêyâpâkwêyani, minihkwêhkan kâ-kanâtahk nipiy. namôy nânitaw apisîs ta-otinamihk sîwinikanihkâna. tânêhki: ka-ispâhkêpayiw sîwinikan kimihkohk minihkwêyani “sîwâpoya, mînisâpoya êkwa pihkahtêwâpoy ê-sîwinikâtêk mîna tâpiskôc “Tang” êkwa “Kool-Aid”.  nâkatohkâta sîwinikana êkwa sîwahcikana. (tâpiskôc sîwahcikan iskwêyâc kâ-mîcihk, tâwâyihk kâ-pôskosicik sîwahcikanak (donuts), sîwâsa êkwa sîwinosa). tânêhki: ka-ispâhkêpayiw sîwinikan kimihkohk mâna mistahi osâm kâ-mîciyan êkwa kâ minihkwêyan kîkwaya kâ-sîwinikâtêki. nâkatohkâta mîciwina osâm mistahi kâwiyinowahki êkwa kâ-tômâki. (tâpiskôc anihi kâ-sâsâpiskisikâtêki mîciwina, pimiy êkwa napacâkosihkâna). pakâhtâ, kîsisa, nawacî êkâ cî nasihkâci-pakâhtâ kîkway ita kêkâc ê-ohtêk nipiy. tânêhki: sôhki-atoskêmakan kitêh kîspin mîciyani kâ-wiyinowahki mîciwin êkwa ahpô êtikwê nawac ka-mâci-kosikwatin. nahiyikohk mâna kâ- ispîhtinikwatihk nawac ka-miyo-atoskêmakan kitêh, wîcihômakan iyikohk sîwinikan ka-âstêk kimihkohk. tânimayikohk ka-mîcihk nasihkâc mîciso êkwa pôni-mîciso ispîhk nahêyihtamiyani. tânêhki: nahiyikohk ka-otinaman mîciwin mitoni mâna miywâsin kiyawihk. kîspin osâm mistahi mîcisoyani, ka-kanawêyihtên kiyawihk anima maskawisîwin êkwa ka-ispayin pêyakwan tâpiskôc wiyin.  tâpiskôc kahkiyaw aniki kâ-pimâtisicik, kiyawinawa mîna ê-kî-osîhcikâtêki ka-waskawîmakahki. tânêhki: êkâya koskowâtapi – wâh-waskawî êkosi nawac ka-miyo-atoskêmakan kiyaw. kâ-pimohtêyan, kâ-nîmihitoyan, kâ-nitâmisoyan êkwa kâ-mâcîyan ka-miyo-tôtâkon ohci sîwinikan kimihkohk êkwa kâ-ispîhtinikwatiyan. tahto kîsikâw mâna kakwê-waskawî nânitaw mâna kakwê-itahkamikisihkan. tahto kîsikaw mâna waskawî, tâpiskôc atâwêwikamikohk ka-isi- pimohtêyan. wêhtinahk mâcihtâ êkwa nasihkâc nawac mistahi kika-ati-itôtên. nânitaw isi mâmawohkamikisik mâna kiwîtokêmâkanak (tâpiskôc kikasâmêhtêwin, mawisowin, nîmihitowin). mêtawê ôhi mêtawêwina tâpiskôc sôniskwâtahikêwin êkwa pâkâh- towêwin. miywêyihta nawac kimiyomahcihowin êkwa kimiywâyâwin. kihcêyihta kiyaw. kâkikê mâna manâcih cistêmâw. tânêhki: nawac âyiman kiyaw ta-nôtinahk sîwâspinêwin mâna kâ-pîhtwâyan. pîhtwâyani nawac ka-kî-wêhci-kâhtinên otêhâspinêwin êkwa kâ-nipowisipayihk. mâmiskôtamok kimiywâyâwi-otatoskêw tânisi ka-kî-isi-pôni-pîhtwâyan. pa-pêyâhtak itâpacihtâ minihkwêwin tânêhki: minihkwêyani ka-ispâhkêpayiw sîwinikan kimihkohk, kika-mâci-wiyinon êkwa namôy kwayask ka-isi-atoskêmakan maskihkiy kiyawihk. mâmiskôtamok kimiywâyâwi-otatoskêw tânimayikohk minihkwêwin namôy nânitaw ka-isi-mâyiskâkoyan. kîkwây pêyak ka-kîmêskotônaman ka-kî-itôtên kwayask ka-nâkatêyihtaman kimâmitonêyihcikan, kiyaw êkwa kitahcahkom?