Bures, Jan Helge!

Giitu daid girjjis ovddas maid lehpet sádden midjiide, leat hui ávkkálaččat min barggus!

Dii lehpet namuhan ahte lehpet šiehtadan din čálliiguin sullii 2011 rájes ahte oažžubehtet sáddet sin girjjiid Sámedikki teakstačoakkáldahkii. Livččii vuogas oažžut daid girjjiid maid dis.

Lean mielddustan kontráktaevttohusa maid dii ja Sámediggi sáhtášeiddet vuolláičállit vai dat bargu ovdánivččii. Kontráktaevttohus namuha eavttuid man vuođul Sámediggi oččošii daid girjjiid atnit.

Kontráktaevttohusa vuođđu lea kontrákta mii dál dahko čálliid, jorgaleddjiid, lágádusaid ja Sámedikki gaskkas ovttaskas girjjiid oktavuođas ja dán gávdnabehtet
davvisámegilli dás: http://www.divvun.no/se/adm/legal/sd-contract.html ja
dárogillii dás: http://www.divvun.no/no/adm/legal/sd-contract.html

Sáhtášeiddet go geahčastit kontráktaevttohusa čađa ja sáddet dieđu munnje jus háliidehpet rievdadit juoga das?

Jus kontráktaevttohus lea dohkálaš, livččii buorre jus vuolláičállibehtet dan ja sáddestit dan Anne Britt Hættai Sámedikkis. Jus dan bargabehtet, sáddes dieđu munnje, de sáhtán gulaskuddat Sámedikkiin mo ášši ovdána.