Kalaallit Nunaata Serminariaata 1901-10-mut forstanderiata C. W. Schultz Lorentzenip Nuummi seminariap nutaamik illutaarnissaa ilungersuutigisimavaa.
Suliassaq Carl C. Hansenimut tunniunneqarpoq, taassumalu illu pingaarneq eqaarsaartarfillu titartapai, 1907-imi 1908-milu atorneqalersut.
Illut taakkua marluk Carl C. hansenop Kalaallit Nunaanni suliarisatuarai, Chr. Madsenili atuakkiamini allappoq, illussanik titartaariaasia ukiuni qulini malinneqartarsimasoq illussanik titartaasartunit allanit soorlu P. A. Cortsenimit, Helge Bojsen-Møllerimit aamma Pavia Høeghimit.
Illup kangimut isuani 1907-imi seminariap forstanderia najugaqarsimavoq inini allerni inini tallimani igqffittalimmi, qalianilu inini pingasuni.
Illup isuani saamerlermi ininik atuartitsiveqarpoq pingasunik ininilu allerni ilinniartitsisunut ineqarluni , qalianilu ilinniartitsisunut ineqarluni pingasunik. 
Illorsuarmullu atanertaani ikummatissaasiveqarpoq, savaasanut ineqarluni, qaliani nerukkaasiveqarluni - perusuersartafeqarlunilu.