Tyemes já Maarit lává muorâkäärdist. Lii šiev šoŋŋâ onne, lii uáli liegâs. Mutâ jieht lâi uáli koolmâs! Suoi iävá puáhtám sierâdiđ talle olgon. Tyemes já Maarit lijkkuv sierâdmân, suoi sierâdává ain oovtâst muorâkäärdist stuorrâ táálu ulguubeln.
Tyemes lii uccâ kaandâš já sun lii kuuđâ ihásâš. Uccâ nieidâš lii suu uábáš, sun lii viiđâ ihásâš. Tuámásist lii uccâ pennâgâš, tot meid lii tääl muorâkäärdist. Peenuv lijkkoo sierâdiđ tain kuovttijn párnáin. Peenuv lii uáli moovtâ tääl.
Lii-uv Marittist meid peenuv? Ij, Marittist ij lah peenuv, sust lii kissá. Mutâ kissá lii táálust, kissá uáđá.
Sunnuu enni lii siste táálust kissáin, sun kiäččá lasârääigi olgos já uáiná Tuámmás já Maarit sierâdmin. Tyemes káččá stuorrâ puáris muorâ luusâ, sun čiähádât Marittist. Tiäđáh-uv mandiet? Maarit čokkáá já sust láá kieđah čoolmij oovdâst. Sun ij uáini maiden já sun lohá. Mondiet sun taha nuuvt? Já maid Tyemes taha muorâ lunne?
Tot lii sierâ. Ko Maarit kiergân luhâmist, sun kiäččá pirrâsis. Sun ocá Tuámmás: kuus tot moonâi? Oinih-uv suu?
Maarit ij tieđe kost Tyemes lii. Sun koijâd pennust: "Oinih-uv Tuámmás?". Mutâ peenuv tiäđustkin ij määti sárnuđ! Maarit ij uážu vástádâs. Ij kihheen uážu vástádâs, ko sárnu pennuiguin!
Maarit kiäččá eenis laasâ tyehin, enni povvust. Maarit smiättá, ete tot lii uáinám kuus Tyemes lii moonnâm: "Muštâl munjin kost sun lii!", sun iätá iännásis. "Ij Maarit, jiem pyevti muštâliđ tunjin!", sun västid. Veik sun kenski tiätá kost kandâ lii, sun ij haalijd muštâliđ.
Maarit vázzá hitásávt muorâkäärdi čoođâ. Sun keččâl val uuccâđ Tuámmás. Sun kiäččá peevdi vyelni já stoovlij vyelni, mutâ Tyemes ij lah tobbeen. Sun kiäččá jyehi saajeest, mutâ ij sun pyevti kavnâđ Tuámmmás.
 Te sun kulá jienâ, tot puátá stuorrâ puáris muorâ tyehin. Puávtáččij-uv tot leđe Tyemes? Tovben tot jienâ lii oppeet! Sun kuldâl tärkkilávt. Ij lah lodde ijge mihheen eres elleid. Tääl sun kulá tom pyereest. Tot kalga leđe Tyemes!
 Te sun uáiná uccâ kieđii meid já ko sun puátá aldeláá, te sun uáiná suu uáivi meid. Maarit povvust já iätá: "Kavnim tuu! Suoi kuohtuuh lává iloliih já moonnâv táálun, lii äigi puurrâđ maidnii já juuhâđ váhá čääsi!"