Anára Naŋŋanjárggas lea dán mánu 19. beaivve gávdnon badjel duhát jage boares silbaárdnat . 
Eai leat goldnan Sámemusea hoavda Tarmo Jomppanen lea hirpmástuvvan man bures silbaárdnat leat seilon . 
– Árdnat gávdnojedje hui goike báikkes mii lea maid soadjaluvvon garra beaivváš čuovgga vuostá . 
Dat sáhttá leat sivva manne árdnat eai leat goldnan , oaivvilda Jompanen . 
Sámemusahoavda Tarmo Jompanen ii duostta vuos sihkkarit dadjat lea árdnat leamaš sámiid vai eará álbmogiid čiŋat . 
Nággu Dál lea buolládan nággu gos árdnat galget radjojuvvot , Sámemusea vai Helsset museas . 
Árdnat leat gávdnon Anáris , ja danin lea min mielas lunddolaš rádjat daid Sámemuseas , lohhká Tarmo Jomppanen .