1       GOS DUOMMÁ LEA?
2       Duommá ja Máret leaba gárdimis. Lea buorre dálki odne, lea hui liekkas. Muhte ikte lei hui galmmas! Soai eaba sáhttán stoahkat dalle olgun. Duommá ja Máret liikoba stoahkat, soai stohkaba álo ovttas gárdimis stuora dálu olgobealde.
3       Duommá lea unna gánddáš ja son lea guhtta jagi boaris. Unna nieiddaš lea su oappáš, son lea vihtta jagi boaris. Duommás lea unna beatnagaš, dat nai lea dál gárdimis. Beana liiko stoahkat dainna guvttiin mánáin. Beana lea hui ilolaš dál.
4       Leago Márehis maid beana? Ii, Márehis ii leat beana, sus lea bussá. Muhte bussá lea dálus, bussá oađđá.
5       Sudno eadni lea dálu siste bussáin ovttas, son geahččá láseráiggi olggos ja oaidná Duommá ja Máreha stoahkame. Duommá viehká johtilit stuora boares muora lusa, son čiehkáda Márehis. Dieđátgo manne? Máret čohkká ja sus leat gieđat čalmmiid ovddas. Son ii oainne maidege ja son lohká. Manne son dahká nu? Ja maid Duommá dahká muora luhtte?
6       Dat lea stoagus. Go Máret geargá lohkamis, son geahččá birra. Son ohcá Duommá: gosa dat manai? Oidnetgo su?
7       Máret ii dieđe gos Duommá lea. Son jearrá beatnagis: "Oidnetgo Duommá?". Muhte beana dieđusge ii máhte hállat! Máret ii oaččo vástádusa gažaldahkasis. Ii giige oaččo vástádusa, go hállet beatnagiiguin!
8       Máret geahččá eatnis láse duohken, su eadni čaibmá. Máret smiehttá, ahte dat lea oaidnán gosa Duommá lea mannan: "Muital munnje gos son lea!", son dadjá eadnásis. "Ii Máret, in sáhte muitalit dutnje!", son vástida. Vaikke son várra diehtá gos gánda lea, son ii siđa muitalit.
9       Máret vázzá hihtásit gárdima čađa. Son geahččala ain ohcat Duommá. Son geahččá beavddi vuolde ja stuoluid vuolde, muhte Duommá ii leat dieppe. Son geahččá juohke sajis, muhte ii son sáhte gávdnat Duommá.
10      De son gullá jiena, dat boahtá stuora boares muora duohken. Sáhtášiigo leat Duommá? Die dat jietna lea fas! Son guldala dárkilit. Ii leat loddi iige makkárge eará ealli. Dál son gullá dan bures. Ferte leat Duommá!
11      De son oaidná unná gieđaža nai ja go son boahtá lágabui, de son oaidná su oaivvi maid! Máret čaibmá ja dadjá: "Gávdnen du!". Soai goappašagat leaba ilus ja mannaba dállui, lea áigi borrat juoidá ja juhkat veaháš čázi!