Saemiengïelelåhkoe
Daesnie vuajnah mah krïebpesjh leah juktie meatan saemiengïelelåhkosne årrodh. Jis edtja reaktoem veeljemisnie 2017 gïelem vedtedh, tjoerh 20-n gaekeren 2016 bäjkoehtidh, jis ih aeriebiste meatan leah.
Tjaelieh tjaatsegem olkese
Diedtieh svaalhtesasse dov veeljeme tjaatsegeasse daennie åelkies bielesne. Tjaelieh tjaatsegem, dïevhtieh dov laavenjasshtjaelieh jïh seedth påastine Saemiedigkien kanslijese, Box 90, 981 22 Giron/Kiruna.
Dängkoeh tjaatsegem
Jis ih maehtieh tjaatsegem gåetesne olkese tjaeledh, seedth dle e-påastem dov nommine jïh tjaalesijjine e-tjaalesäjjan kansli@sametinget.se teekstine: ”manne tjaatsegem gïelelåhkose sïjhtem mov gåajkoe seedtesovveme”. Jallh ringkh nummerasse 0980-780 30 jïh tjaatsegem dänghkoeh. Jiehtieh mennie gïelesne sïjhth tjaatsegem utnedh jïh aellieh åajeldh nommem jïh tjaalesijjiem tjaeledh.
Gieh meatan sjidtieh gïelelåhkosne?
Saemiedigielaaken mietie göökte krïebpesjh tjoerh dïevehtidh. Voestes lea subjektive krïebpesje, jïjtje tuhtjh saemie leah. Mubpie lea objektive krïebpesje jïh lea gïelen bïjre. Tjoerh jïjtje saemien gåetesne soptsestidh jallh soptsestamme, jallh guhte dov eejtegistie gåetesne saemien soptseste jalh soptsestamme, jallh guhte dov aahkijste jallh aajijste gåetesne saemien soptseste jallh soptsestamme. Ojhte vihkeles lea gukt-akt vuesehth almetjem guhte datne beavnah leah saemien maahteme. Guktie dam darjoeh maahta gellielaaketje årrodh.
Jis eejtege meatan
Dïsse gien lea eejtege guhte meatan jallh meatan orreme saemiengïelelåhkosne lea nuekies eejtegen nomme bievnedh.
Nännoestimmie
Saemiedigkien veeljememoenehtse nännoeste. Nännoestimmie ij gåeredh laejhtedh.
