Dieđ. St. 22 (2009 – 2010)
Sámediggi nammada áirasiid boraspirenammagottiide Hedmárkkus davás. Birasgáhttendepartemeanta gáibida boraspireláhkaásahusa vuođul ahte Sámedikki áirasat boraspirelávdegottiin galget lea áirrasin dahje várreáirrasin Sámedikkis. Sámediggi mielas dát gáibádus lea eahpegovttolaš, ja lea bivdán Birasgáhttendepartemeantta rievdadit boraspireláhkaásahusa nu ahte Sámediggi friija sáhttá nammadit lahtuidis boraspirenammagottiide. Birasgáhttendepartemeanta lea mieđihan Sámedikki gáibádussii ja sis lea leamaš láhkaásahusa rievdadusevttohus gulaskuddamis 2009 čavčča. Láhkaásahusrievdadus lea nu ahte ii šat gáibiduvvo ahte Sámedikki lahtut regionála boraspirenammagottiin galget leat áirrasin dahje várreáirrasin Sámedikkis. Dat gáibádus gal bisuhuvvo ahte galgá leat báikkálaš gullevašvuohta.
Kommunal- og moderniseringsdepartementet, Akersgata 59, Postboks 8112 Dep, 0032 Oslo | Telefon: 22 24 90 90 | Organisasjonsnr. 972 417 858E-post: | Nettredaktør: | Ansvarlig redaktør:
