St.dieđ. nr. 55 (2000-2001)
Ovttasbargu riikkarájáid rastá lea erenoamáš deaŧalaš sámiide, dasgo sii ásset njealji stáhtas. Deaŧalaš lea ahte Sámedikki váikkuhanfápmu ja gelbbolašvuohta geavahuvvo davviriikkalaš ja riikkaidgaskasaš oktavuođain. Ráđđehus atná dettolažžan ahte riikkaidgaskasaš eamiálbmotgažaldagat ságaškuššojuvvojit ráđđehusa ja eamiálbmotovddasteddjiid lagas ovttasdoaibmamis. Norgga miellaguottut riikkaidgaskasaš eamiálbmotgažaldagaide fertejit hábmejuvvot lagas ovttasbarggus Sámedikkiin. Sakka dettolažžan adnojuvvo ahte Sámediggi, mađe mielde lea vejolaš, galgá ovddastuvvot riikkaidgaskasaš oktavuođain gos eamiálbmotgažaldagat loktejuvvojit áššin. Ráđđehus áigu, ovttasráđiid Sámedikkiin, ráhkadit meannudanvugiid 1 ja hámádagaid 2 ráđđádallamiidda riikkaidgaskasaš eamiálbmotbarggu dihtii ON:s ja ILO:s. Olgoriikkadepartemeantta bargojoavku galgá, ovttasbarggus Sámedikkiin, ráhkadit dárbbašlaš hámádagaid ja dagaldusaid 3 Sámedikki ja Olgoriikkadepartemeantta ovttasbargui.
meannudanvuohki = prosedyra
hámádat = struktuvra; hámádahttit = struktureret
dagaldus = rutiidna
Arbeids- og sosialdepartementet, postboks 8019 Dep, 0030 Oslo | Telefon: 22 24 90 90. | E-post: | Org. nr 983887457 Nettredaktør: Jan Richard Kjelstrup, ansvarlig redaktør: Nina Kraugerud Ertzaas
