3 Hálddahuslaš ja ekonomalaš čuvvosat
Láhkanuppástus ii ovdet makkárge vásedin dahje
lassánan goluid. Hálddahuslaš čuovvoleamis fuolaha Sámediggi. Mii
gusto gielddaide ja fylkkagielddaide, de mearridit dat ieža sámi
leavgga geavaheami viidodaga. Danne nuppástus ii mielddisbuvtte
ođđa gáibádusaid ja váguhusaid gielddaide ja fylkkagielddaide.
Gielda- ja guovlodepartemeanta
n e a v v u :
Ahte Gonagaslaš Majestehta dohkkeha ja čállá
vuollái Stuorradiggái ovdanbiddjojuvvon proposi šuvdnaevttohusa
lága birra nuppástusaid birra sámelágas jna.
Mii HARALD, Norgga Gonagas,
n a n n e t :
Stuorradiggi bivdojuvvo mearridit lága birra
nuppástusaid birra sámelágas jna. mielddusin biddjojuvon evttohusa
mielde.
Evttohus láhkii
nuppástusa birra sámelágas jna
I
Lágas geassemánu 29. 1933 nr. 2 levgema birra
gielddaid almmolaš visttiin galgá I vuosttas lađas čuodjat:
Gielddaid almmolaš visttiin ja giddodagain,
dahje visttiin ja giddodagain maid eanaš geavahit gielddalaš
institušuvnnat, galgá dušše geavahit lága juovlamánu 10. 1898 § 1
nammadan leavgga (almmá lávčči ja njuokčama haga), sámi leavgga,
dahje Gonagasa dohkkehan gávpot-, gieldda- dahje
fylkkaleavggaid.
II
Lágas geassemánu 12. 1987 nr. 56 Sámedikki ja
eará sámi vuoigatvuođaid birra (sámeláhka) galgá § 1-6 čuodjat:
§ 1-6 Sámi leavga
Sámi leavga lea leavga, man Sámiid 13.
konferansa borgemánu 15. 1986 lea dohkkehan.
Sámediggi sáhttá láhkaásahusa bokte addit
dárkilet mearrádusaid sámi leavgga geavaheai birra.
III
Dát láhka boahtá dakkaviđe fápmui.
