St.dieđ. nr. 55 (2000-2001)
Norgalaš eiseválddit leat sihke álbmotrievtti ja riikkagottálaš 1 rievtti bokte geatnegahttojuvvon láhčit dilálašvuođaid nu ahte sámi álbmotjoavku sáhttá váfistit 2 ja gárgedit 3 iežas giela, kultuvrra ja servodateallima. Ráđđehusa juksanmearrin lea ahte Norga galgá ollašuhttit riikkagottálaš ja riikkaidgaskasaš rievttálaš geatnegasvuođaidis sámi veahkadaga 4 hárrái. Riikkaidgaskasaš neavvut maidda Norga lea guorrasan čearddalaš veahádagaid 5 ja eamiálbmogiid hárrái, ja riikkagottálaš láhkamearrádusat main lea vásedin mearkkašupmi sámepolitihkkii, válddahuvvojit kapihttalis 3.
Eamiálbmogiid vuoigatvuođaid gelbbolašvuođaguovddáš, mii galgá leat Guovdageainnus, ja Sis-Finnmárkku duopmostuollu mii biddjojuvvo Detnui, máinnašuvvo maiddái kapihttalis.
gárgedit = ovdánahttit; gárgedeapmi = ovdánahttin, ovddideapmi
váfistit = sihkkarastit
veahkadat = populašuvdna, olmmošjoavku, álbmot
veahádat = minoritehtta, unnitlohku; eanádat = majoritehtta, eanetlohku
Arbeids- og sosialdepartementet, postboks 8019 Dep, 0030 Oslo | Telefon: 22 24 90 90. | E-post: | Org. nr 983887457 Nettredaktør: Jan Richard Kjelstrup, ansvarlig redaktør: Nina Kraugerud Ertzaas