St.dieđ. nr. 44 (2004-2005)
Suohkaniid ovddasvástádus dat lea plánet ja hálddašit areálaid geavaheami iežaset guovllus. Birasgáhttendepartementa meannudii njeallje vuostecealkámuša maid boazodoallu celkii regulerenplánaide jagis 2004. Golbma vuostecealkámuša guske bartahuksemiidda boazodoalloguovlluin. Guovtti áššis vuhtiiváldojedje boazodoalu vuostecealkámušat, ja goalmmáda lea departementa meannudeame. Njeallját áššis, mii guoskkai mohtorkrossabánii, mieđihuvvui vuostecealkámuš belohahkii. Departementta diehtá ahte suohkanat addet olu dispensašuvnnaid, ja boazodoallu oaidná dán váttisin. Danne árvvoštallá departementa ahte berrešii go buorebut juohkit dieđuid suohkaniidda plána- ja huksenlága ja dispensašuvnnaid birra.
Arbeids- og sosialdepartementet, postboks 8019 Dep, 0030 Oslo | Telefon: 22 24 90 90. | E-post: | Org. nr 983887457 Nettredaktør: Jan Richard Kjelstrup, ansvarlig redaktør: Nina Kraugerud Ertzaas
