Od.prp. nr. 43 (2007-2008)
Selle lávdegoddi bidjá eavttu ođđa biirejuogu árvalusas, ja dain meroštallamiin mat namuhuvvojit, ahte dássenáirrasortnet mii álggahuvvui 2005 válggaide, heaittihuvvo. Selle lávdegoddi čujuha ahte árvaluvvon biirejuohku lea vástádussan váilevaš ovttavásttolašvuhtii mii lea leamašan das gallis leat čálihuvvon jienastuslohkui biire áirraslogu ektui. Dáinna ođđa biirejuoguin ii leat šat dárbun doalahit daid njeallje dássenáirasa. Lávdegoddi árvala ahte Sámediggi fas máhccá 39 áirraslohkui.
Sámediggi doarju dán árvalusa. Sámediggi čujuha dasa ahte 39 áirasa leat doarvái sihkkarastimis dárbbašlaš viidodaga ja ovddastusa Sámedikki dievasčoahkkimis.
Ii oktage leat gulaskuddancealkámušas dadjan maidege árvalussii ahte geahpidit áirraslogu Sámedikkis 43 áirasis 39 áirasii.
Departemeanta doarju Selle lávdegotti ja Sámedikki árvvoštallamiid, ja evttoha ahte Sámedikki áirraslohku geahpiduvvo 43 áirasis 39 áirasii ja ahte dássenáirras ortnet heaittihuvvo.
Dán vuođul departemeanta evttoha fámuhuhttit Sámelága § 2 – 4 nuppi lađđasa.
Arbeids- og sosialdepartementet, postboks 8019 Dep, 0030 Oslo | Telefon: 22 24 90 90. | E-post: | Org. nr 983887457 Nettredaktør: Jan Richard Kjelstrup, ansvarlig redaktør: Nina Kraugerud Ertzaas
