Od.prp. nr. 43 (2007-2008)
Vuolggasaddjin lea ahte láhkaevttohusa olis ii leat bušehttii evttohuvvon ruhta lassigoluide. Departemeanta oainnu mielde ii sáhte gal hilgut ahte stuorit geográfalaš válgabiiret sáhttet mielddisbuktit ahte golot Sámedikki politihkalaš bargui juogo unnot dahje lassánit. Jus šaddet lassigolut dan olis go válgabiiret stuoriduvvojit de daid buhtadit Sámedikki dábálaš bušeahta bakte ja daid ruđaiguin mat juolluduvvojit 2009 sámediggeválgga čađaheapmái.
Evttohus ahte rievdadit válgaortnega gáibida govdadit diehtojuohkima bellodagaide, organisašuvnnaide, válgalisttaid evttoheddjiide, sámedikkeválljejeddjiide ja suohkaniidda. Dát guoská rievdademiide biirejuogus, mandáhtajuogus ja earenoamážit ortnega mii gáržžida vejolašvuođa jienastit válgabeaivvi dain suohkaniin main leat unnit go 30 jienastuslogus. Diehtojuohkinbargu berre álggahuvvot ovdalgo bellodagat ja listtut álggahit nominašuvdnabargguide 2008 árra čavčča.
Evttohusat ahte rievdadit Sámedikki válgaortnega, gáibida vástideaddji rievdadusa láhkaásahusas Sámediggeválggaid birra mii mearriduvvo jagi 2008.
Árvalus
Arbeids- og sosialdepartementet, postboks 8019 Dep, 0030 Oslo | Telefon: 22 24 90 90. | E-post: | Org. nr 983887457 Nettredaktør: Jan Richard Kjelstrup, ansvarlig redaktør: Nina Kraugerud Ertzaas
