Dieđ. St. 22 (2009 – 2010)
Sámediggi lea meannudan sámi giliid suddjema ja ovddideami ášši ságaškuššanáššin dievasčoahkkimis. Ollu oasálaččain lea ovddasvástádus giliovddideamis; stáhtas, fylkkain, gielddain ja maiddá Sámedikkis.
Áššis deattuhuvvui dárbu nannet sámegiela, eaktodáhtolaš organisašuvdnabarggu ovddidanvejolašvuođat, buriid ja oadjebas eallineavttuid sihkkarastin sámi árvvuid vuođul, báikkálaš ealáhuseallima nannen ja ovttasbargu eará ovddidanoasálaččaiguin. Konkrehta evttohussan mearridii Sámediggi lágidit jurdda- ja oaivadanseminára giliovddideami várás sámi guovlluin. Sámediggi deattuhii ahte sámi gilit leat iešguđetláganat ja ahte lea dárbu heivehit doaibmabijuid viidáset ovddideapmái.
Kommunal- og moderniseringsdepartementet, Akersgata 59, Postboks 8112 Dep, 0032 Oslo | Telefon: 22 24 90 90 | Organisasjonsnr. 972 417 858E-post: | Nettredaktør: | Ansvarlig redaktør: