3.6 Ovttadássásašvuohta
Mánáid- ja
dásseárvodepartemeanta
atná dehálažžan
ja miellagiddevažžan
ahte válljejumiin Sámediggái
2005 lei nu sohkabealledássidis boađus,
ja ahte Sámediggi ain áigu
vuoruhit ovttadássásašvuođabarggu
válljejumiid ja ovddastumiid dáfus.
Datte lea seamma dehálaš ahte
Sámediggi čuovvola Ovttadássasašvuođalága
doaibmageatnegasvuođa gohččuma,
vrd. ovttadássásašvuođalága
1 a §:
Almmolaš eiseválddit
galget bargat árjjalaččat,
ulbmillaččat ja
plána mielde sohkabeliid ovttadássásašvuođa ovdii
visot servodatsurggiin.
Bargoaddi galgá bargat árjjalaččat,
ulbmillaččat ja
plána mielde sohkabeliid ovttadássásašvuođa ovdii
doaimmas siskkobealde. Bargoeallima servviin lea vástideaddji
doaibmageatnegasvuohta sin doaibmasuorggi siskkobealde.
Doaimmat mat lága mielde leat gohččon čállit
jahkedieđáhusa,
galget jahkedieđáhusas čilget
duohta dili doaimma ovttadássásašvuođa ektui.
Galgá vel čielggadit makkár
doaimmat leat álggahuvvon ja doaimmat mat
leat jurddašuvvon álggahuvvot
ovddidan dihtii ovttadássásašvuođa ja
hehtten dihtii erohusmeannudeami dán lága
vuostá.
Sámediggi lea dás
almmolaš eiseváldi
ja galgá danne bargat sohkabeliid ovttadássásašvuođa ovdii
visot servodatsurggiin main Sámedikkis
lea doaibma, bargoaddin fuolahit ovttadássásašvuođagohččuma
ja dieđihit jahkedieđáhusas
dán birra.
Departemeantta áigumuš lea 2006 áigge,
goas Norga jođiha davviriikkalaš ovttasbarggu, álggahit doaimmaid
mat galget sihkarastit buoret oassálastima
davviriikkalaš eamiálbmogiidda
davviriikkalaš ovttadássásašvuođa barggus
sohkabeliid hárrái. Sápmelaččaid hárrái
galgá dát geavvat
lagaš ovttasráđiin
davviriikkalaš sámedikkiiguin,
dahje daid orgánaiguin dahje servviiguin
maidda sámedikkit sirdet dán
barggu. Sámi servodagas leat stuorra hástalusat
sohkabeliid ovttadássásašvuođa hárrái,
ja lea dehálaš ahte
dát bargu stivrejuvvo sápmelaččaid álbmotválljen
orgánaid bokte ovttasráđiid
earret eará Mánáid-
ja dásseárvodepartemeanttain.
