Dieđ. St. 22 (2009 – 2010)
Sámedikkis leat leamaš gulahallančoahkkimat Dearvvašvuođa- ja fuolahusdepartemeanttain ovttasdoaibmanođastusa barggu birra. Ovttasdoaibmanođastusa ulbmilin lea oččodit buoret ovttasdoaimma vuođđo- ja spesialistadearvvašvuođabálvalusaid gaskka. Sámediggi lea dieđihan ahte ovttasdoaibmanođastusas leat váikkuhusat buot sámiide, ja danne ferte nationála dásis bidjat guovddážii sámi perspektiivva barggus bajimuš dásis. Sámediggi lei bovden sámi fágabirrasiid čoahkkimii Dearvvašvuođa- ja fuolahusdepartemeanttain. Stuorradiggedieđáhus ovttasdoaibmanođastusa birra lea geigejuvvon Stuorradiggái. Sámediggi áigu čuovvolit viidáseappot sámi pasieanttaid dearvvašvuođafálaldaga goziheami Ovttasdoaibmanođastusas.
Kommunal- og moderniseringsdepartementet, Akersgata 59, Postboks 8112 Dep, 0032 Oslo | Telefon: 22 24 90 90 | Organisasjonsnr. 972 417 858E-post: | Nettredaktør: | Ansvarlig redaktør:
