Láhka sámelága rievdadusaid birra

Bla i dokumentet: < Ráva | | Dokumentets forside

Evttohus láhka mii rievdada sámelága

I

Geassemánu 12. b. 1987 nr. 56 láhkii Sámedikki ja eará sámi riektedilálašvuođaid birra (sámeláhkii) mearriduvvojit čuovvovaš rievdadusat:

§ 2 – 3 goalmmát lađas ođđa nubbe čuokkis mas lea čuovvovaš sisdoallu:

Suohkaniin main leat unnit go 30 čálihuvvon jienastuslohkui lea sámediggeválggain vejolaš dušše ovdalgihtii jienastit.

§ 2 – 4 šaddá ná:

§ 2 – 4 Válgabiiret ja áirrasjuohku.

Sámediggái válljejuvvojit lahttut ja várrelahtut čuovvovaš válgabiiriin:

Nuortaguovllu válgabiire/Østre valgkrets: Mátta-Várjjat, Unjárgga, Čáhcesullo, Várggáid, Báhcavuona, Deanu, Bearalvági, Davvisiidda ja Gáŋgaviika gielddat

2. Ávjovári válgabiire/Ávjovári valgkrets: Kárášjoga ja Porsáŋggu gielddat ja Guovdageainnu suohkan

3. Davveguovllu válgabiire/Nordre valgkrets: Davvisiidda ja Muosát gielddat, Fálesnuori, Hammerfesta, Álttá, Ákŋoluovtta, Láhpi, Skiervvá, Návuona ja Ráissa suohkanat

4. Gáiseguovllu válgabiire/Gáisi valgkrets: Gáivuona, Omasvuona, Ivgu, Gálssa, Romssa, Báhccavuona, Málatvuomi, Beardu, Leaŋgáviika, Birggi, Doaskku, Ránáidsullo ja Ráisavuona suohkanat

5. Viestarmera válggabijrra/Viesttarrmeara válgabiire/Vesthavet valgkrets: Divrráid, Siellaga, Loabága, Rivttaga, Skániid, Ivvárstáđiid, Harstad, Bjarkøy, Giehtavuona, Ánddasullo, Ikšnášši, Bieváid, Suortta, Válafierdda, Voagaj, Vestvågøy, Flakstad, Moskenes, Værøy, Røst, Lodegiid, Dielddanuori, Evenášši, Narvik, Bálága, Divttasvuona, Hápmira, Stájgo, Oarjjelij Foalda, Bådådjo, Fuosku, Sáláda, Oarjelij Bájddára, Bájddára ja Meløy gielddat

6. Åarjel-Saepmie veeljemegievlie/Sørsamisk valgkrets: Nordlándda fylkka gielddat Ruovada ja Raavta rájes luksa, Davvi-Trøndelag ja Lulli-Trøndelag fylkkat ja Surnadal, Rindal ja Sunndal gielddat Møre- ja Romsdal fylkkas ja Engerdal, Rendalen, Os, Tolga, Tynset ja Folldal gielddat Hedmark fylkkas

7. Lulli-Norgga válgabiire/Sør-Norge valgkrets: fylkkat Møre ja Romsdal (earret Surnadal ja Rindal gielddat), Sogn ja Fjordane, Hordaland, Rogaland, Vest-Agder, Aust-Agder, Telemark, Buskerud, Vestfold, Akershus, Østfold, Oppland, Hedmark (earret Engerdal, Rendalen, Os, Tolga, Tynset ja Folldal gielddat) ja Oslo).

Sámediggái galget válljejuvvot 39 áirasa. Válgabiiriide juhkkojuvvojit álggos guokte áirasa guhtiige. Dasto juhkkojuvvojit dat 25 áirasa mat leat báhcán juogatkeahttá válgabiiriid gaskkas gorálašvuođa vugiin jienastuslogu vuođul dan juohkinvuogi mielde mii lea mearriduvvon válgalága § 11 – 3 goalmmát lađđasis.

Gonagas mearrida lassinjuolggadusaid áirrasjuohkimii ja evttohasválljemiidda sámediggeválggain.

§ 2 – 5 Jienastanvuoigatvuohta.

§ 2 – 5 vuosttaš lađas čuodjá ná:

Jienastanvuoigatvuohta Sámediggeválggain lea buohkain geain lea jienastanvuoigatvuohta biire suohkanstivrraválggain, ja guđet válgabeaivvi leat čálihuvvon Sámedikki jienastuslohkui válgabiires (vrd. § 2–6).

§ 2 – 6 Sámi jienastuslohku.

§ 2 – 6 galgá čuodjat ná:

§ 2 – 6 Sámedikki jienastuslohku.

Buohkat geat julggaštit ahte iežaset atnet sápmelažžan, ja geain juogo

a) lea sámegiella ruovttugiellan, dahje

b) lea dahje lea leamašan vánhen, áhkku/áddjá dahje máttaráhkku/máttaráddjá, geain lea sámegiella ruovttugiellan, dahje

c) geas lea vánhen gii lea dahje lea leamašan čálihuvvon Sámedikki jienastuslohkui.

sáhttet gáibidit iežaset čálihuvvot Sámedikki jienastuslohkui.

Gáibádus Sámedikki jienastuslohkui galgá sáddejuvvot Sámediggái.

Sámediggi ráhkada Sámedikki jienastuslogu álbmotlogaha, maŋimus válgga jienastuslogu ja daid sisačálihangáibádusaid vuođul mat leat boahtán válgaáigodaga siskkobealde. Sámedikki jienastuslohku galgá girjejuvvot suohkandásis.

Go olmmoš lea čálihuvvon Sámedikki jienastuslohkui, de son sáhttá registrerejuvvot álbmotlogahahkii. Dát registreren galgá leat olamuttos dušše dan váldái mas lea ovddasvástádus Sámediggeválggaid čađaheames, dahje Sámedikki mieđáhusa mielde.

Sámedikki jienastuslohku sáhttá fievrriduvvot EDG:ain.

§ 2 – 7 Válljihahttivuohta ja evttohanvuoigatvuohta.

§ 2 – 7 vuosttaš ja nuppi lađđasat galget čuodjat ná:

Sámediggái leat válljehahtti buohkat geat leat čálihuvvon Sámedikki jienastuslohkui válgabiires. Guđet galget válljejuvvot, fertejit dasto velá leat biire álbmotlogahagas biire ássin válgabeaivvi. Sámedikki hálddahusa bargit ii leat dattege vejolaš válljet.

Buohkain geat leat čálihuvvon Sámedikki jienastuslohkui biires, lea evttohanvuoigatvuohta. Evttohuvvon válgalisttu fertejit unnimusat 30 sápmelačča geain lea evttohanvuoigatvuohta vuolláičállit.

II

Dát láhka fápmuibiddjo dakkaviđe.

Bla i dokumentet: < Ráva | | Dokumentets forside