St.dieđ. nr. 11 (2004-2005)
Sámediggi ja Gielda- ja guovludepartemeanta barge ovttas 2003:s kampánjjain ahte oččodit sámiin eret negatiivvalaš miellaguottuid ja váikkuhit sámi jienastuslohkui čáliheami lassáneami. Prošeavttas lei 1,2 miljon ruvdnosaš ruhtarámma, mas 1 miljon ruvdnu bođii Gielda- ja guovludepartemeanttas.
Olles jagis 2003 ledje 273 olbmo čálihan iežaset sámi jienastuslohkui. 171 čálihemiin bohte čakčat 2003 dalle go kampánja lei jođus. Ain lea nu ahte ođđa čálihemiid gaskkas leat eanaš almmáiolbmot, muhto nissonolbmuid oassi lea stuorát ođđačálihemiid gaskkas, go daid gaskkas mat juo leat jienastuslogus. Nissonolbmuid oassi ii leat nu stuoris go leimmet doivon ođđa čáliheaddjiid gaskkas, muhto mii oaidnit čielgasit ahte sámit olggobealde Sis-Finnmárkku háliidit čálihit iežaset sámi jienastuslohkui. Dát iešalddis čájeha ahte miellaguottut leat rievdan. Danne sáhttá dadjat ahte lihkostuvaimet kampánjjain.
Arbeids- og sosialdepartementet, postboks 8019 Dep, 0030 Oslo | Telefon: 22 24 90 90. | E-post: | Org. nr 983887457 Nettredaktør: Jan Richard Kjelstrup, ansvarlig redaktør: Nina Kraugerud Ertzaas
