St.dieđ. nr. 55 (2000-2001)
Eiseválddiin leat maiddái geatnegasvuođat, riikkaidgaskasaš šiehtadusaid ja riikkagottálaš láhkamearrádusaid mielde, dieđihit stuorraservodahkii sámi kultuvrra birra. Vaikko vel oaidnu sámi kultuvrra hárrái lea guhkit áigge positiiva guvlui gárgeduvvan, de lea liikká dárbbašlaš čađahit sihke oanehisáigge- ja guhkesáiggedoaibmabijuid mat vuosttaldit ja váidudit árbejuvvon negatiiva miellaguottuid sámiide ja sámi kultuvrii. Dán oktavuođas leat informašuvdna, oahpahus ja diehtogárgedeapmi guovdilis oasit. Molsašuvvi dieđihanbargu sámi ja máŋggakultuvrrat dilálašvuođaid birra lea danne áibbas dárbbašlaš. Ráhkaduvvot šaddet oahpahusávdnasat, sihke vuođđoskuvllas ja joatkkaskuvllas, mat leat hábmejuvvon nu ahte mielddisbuktet gaskaneas árvvusatnima, gierdevašvuođa ja áddejumi álbmotjoavkkuid gaskii. Ráđđehus áigu leat mielde duvdimin dáhpáhusguovddážiid 1 /institušuvnnaid báikkálaš servodagain mat sámi giela ja kultuvrra oainnálmahttet, gaskkustit ja doaimmahit.
dáhpáhusguovddáš = arena
Arbeids- og sosialdepartementet, postboks 8019 Dep, 0030 Oslo | Telefon: 22 24 90 90. | E-post: | Org. nr 983887457 Nettredaktør: Jan Richard Kjelstrup, ansvarlig redaktør: Nina Kraugerud Ertzaas