Šattuid ja šaddobuvttadeami fágasuorgái gullet šattuid buorideapmi, gilvagat, šattuid dearvvasvuohta, šaddocirgunávdnasat, duvttat ja ekolaš buvttadeapmi
- Go šattut buoriduvvojit, de bohtet áigái ođđa šlájat main leat buorit iešvuođat mat ee. dahket šattuid dearvvasin ja dálvegierdilin.
- Gilvagat mat vuvdojuvvojit galget gullat dohkkehuvvon šlájaide, leat šattolaččat, eaige dain galgga leat eará gilvagiid nuoskkideamit.
- Nana šaddodearvvasvuohta unnida massinvára ja šaddoheavu. Erenoamážit lea dehálaš hehttet ođđa billisteaddjiid buktojuvvomis riikii, oažžumis saji ja leavvamis.
- Šaddocirgunávdnasiidda gullet sihke kemiijalaš ávdnasat ja biologalaš vuogit (omd. ávkkálaš boatkkahasat dahje divrrit) mat geavahuvvojit billisteaddjiid vuostá, nugo boatkkahasaid ja árvvohis rásiid vuostá, dahje hálddašan dihtii šattuin. Bajimuš ulbmil lea Norggas sihke geahpedit šaddocirgunávdnasiid geavaheami ja dan vára maid dakkár ávdnasat buktet.
- Duktan leat sihke mineráladukta ja orgánalaš dukta. Dehálaš lea ahte dukta ii billis birrasa ja ahte dan ii leat váralaš geavahit.
