Ahte eambbo galgá buvttaduvvot ja geavahuvvot bioenergiija, lea hui dehálažžan vuoru-huvvon suorgi Eanadoallo- ja biebmodepartemeanttas. Bioenergiija ođasmuvvá, ja dat lea CO2-neutrála energiijaguoddi mii lea mielde gokčamin riikka energiijadárbbu ja addimin ođđa bargosajiid ja eambbo árvobuvttadeami distrivttain. Bioenergiija buvttadeapmi sáhttá dasto vel leat mielde hehttemin mávssolaš kultureanadagaid vuovdiluvvama. Bioenergiija geavaheapmi liggenoljju sajis lea maid gánnáhahtti dálkkádatdoaibmabidju.
Bioenergiijaprográmma lea departemeantta deháleamos váikkuhangaskaoapmi bioenergiija-geavaheami áŋgiruššamis. Prográmma váldoulbmil lea ovddidit bioboaldámušaid buvttadeami ja gárvves lieggasa skáhppoma eanadoalu biomássas. Prográmmas juolluduvvojit investen-doarjagat boaldámuš- ja liggenprošeavttaide, ja doarjagat ovdaprošeavttaide, čielggadan-bargguide ja máhttodoaibmabijuide. Bioenergiijaprográmma hálddaša Innovašuvdna Norga (Innovasjon Norge (IN)).
Bioenergiija lea maid ulbmilsuorgi mii gullá Eanadoallo- ja biebmodepartemeantta “Ta landet i bruk!” nammasaš strategiijii, mii lea ealáhusovddidanstrategiija áigodahkii 2007-2009. Eanadoallo- ja biebmodepartemeanta vuoruha bioenergiija ja bioboaldámuša dutkama, ja bargá ee. dan badjelii, ahte norgalaš dutkan- ja industriijabirrasat galget searvat teknologiija¬hutkamii mii lea jođus, mas muorraávdnasiin lea áigumuš dahkat ođđalágan bioboaldámuša.
