Ulbmil lea ahte nissonolbmuin ja dievdduin galget leat ovtta buorit vejolašvuođat jođihit ealáhusdoaimma eanadoalus ja eanadoalu oktavuođas. Eanadoallo- ja biebmodepartemeanta dáhttu láhčit nu, ahte nuorra nieiddat ja nissonolbmot eambbo váldet atnui iežaset odel-vuoigatvuođa, ja vai sii dainna lágiin servet eanadoalloealáhussii. Nissonolbmot leat guovdilat lasseealáhusaid ovddideamis, ja danne maiddái giliid ealáhuseallima ovddideapmái. Mii jáhkkit ahte go eanet nissonolbmot leat ealáhusas, de dat nanusmuvvá ja dan ekonomalaš dillige buorrána dainnago buot vejolaš resurssat váldojuvvojit atnui.