Dás don leat:
Máhttodepartemeanttas (Kunnskapsdepartementet) (KD) lea ovddasvástádus servodatsektoriin mat leat deaŧalaččat midjiide jus galgat stuorrut ja ovdánit – sihke ovttaskas olmmožin ja servodahkan. Mánáidgárddiin, oahpahusásahusain ja dutkanbirrasiin lea seammás deaŧalaš kulturguoddi- ja kulturgaskkusteaddjidoaibma.
MD bargá ahte ovdánahttin, rievdan ja nuppastuhttin galgá vázzit giehtalaga árbevieruid ja árvvuid seailluhemiin ja viidáseappot doalvvuhemiin. Norggas galgá leat buorre ja beaktilis oahppovuogádat ja árjjalaš ja hutkkás dutkanbirrasat. Mii dárbbašit daid ásahusaid jus mii galgat nágodit deaividit hástalusaiguin máilmmus gos kapitála ja máhttu rastidit rájiid, gos diehtojuohkin- ja bioteknologiija buvttihit ođđa vejolašvuođaid ja ehtalaš hástalusaid, gos máhttu lea deaŧaleamos kapitála.
KD ubmil lea ahte buohkain galgá leat vejolašvuohta searvat ja váikkuhit máhttoservodaga ovdáneapmái. Deaŧalaš eaktun oláhit dán ulbmila lea máhttossektor mas lea návccat ovdánahttit, gakkustit ja ávkkastallat ođđa máhtu.
Departemeantta 2004 bušeahtta lea sullii 50 milliárdda kruvnno.
Eanas oassi stáhta doarjagis vuođđoskuvlii ja joatkka ohppui manná Gieldda- ja guovlludepartemeantta bušeahta badjel oassin gielddaid ja fylkkagielddaid sisaboahtovuogádagas.
Vuođđoskuvlaoahppu lea gielddaid ovddasvástádus, ja joatkka oahppu lea fas fylkkagielddaid ovddasvástádus.
Stáhtaráđđi lea departemeantta bajemus jođiheaddji. Dasa lassin leat politihkalaš čállingottis guokte stáhtačálli ja politihkalaš ráđđeaddi.
Maŋimuš ođasmahttojuvvon: 14.01.2012
Jos jorgaluvvon sámegielat teavstta lea váttis ipmirdit, de gusto dárogielat originála
teaksta.
Dersom det er tvil om hvordan en tekst oversatt til samisk skal forstås, er det
den norske originalteksten som gjelder.
