Departemeantta birra

Eanandoallo- ja biebmodepartemeanttas lea ovddasvástádus biebmo- ja eanandoallopolitihkas.

Biebmopolitihkka galgá sihkkarastit geavaheddjiide oadjebas biepmu mas lea rievttes kvalitehta. Dat politihkka galgá maid fuolahit dearvvaš biebmobuvttadeami ja ráhkadahttit dohkálaš dearvvašlaš biepmuid. Eanandoallo- ja biebmodepartemeanttas lea ovttasráđiid Guolástus- ja  ja riddodeparteameanttain ja Dearvvašvuođa- ja fuolahusdepartemeanttain ovddasvástádus das ahte hábmet biebmopolitihka ja hálddašit biebmogálvvuid vuogádaga vuođđobuvttadeamis gitta dassážii go gálvu joavdá geavaheddjiide. Ráđđehus lea álggahan viiddis barggu álkidahttin ja buoridan dihte lágaid ja bearráigeahču. Dan seammás gártá leat ovddasvástádusa juohkin čielgaseabbun gaskal dien golmma departemeantta.
Eanandoallopolitihkka fátmmasta eananhálddašeami, eanan- ja meahccedoalu, elliiddoalu, boazodoalu ja ođđa ealáhusaid ovdánahttima, main lea vuođđun eanandoallu.

Eanandoallopolitihkka galgá sihkkarastit eanandoallobuvttadeami ressursavuođu ovdánahttit dieđuid ja máhtu ja leat mielde ásaheamis árvoháhkama ja barggaidahttima olles riikkas. Das galgá leat vuođđun eanandoallu ja buktagat mat leat vuođđuduvvon eanandollui. 

Guovddáš rápmaeavttut biebmo- ja eanandoallopolitihkkii lea oppalaš ekonomalaš politihkka, márkan ja gávpepolitihkka mii lea WTO-šiehtadusa ja EØS-šiehtadusa boađusin, ja Stuoradikki meannudeami boađusin. 

• Proposisjoner til Stortinget
• Meldinger til Stortinget 

Biebmo- ja eanandoallopolitihkka lea vuođđuduvvon guovtti váldo áššái:

• Galgá geavaheaddji guvlui jurddašuvvon doaibma juohke suorggis gos Eanandoallo- ja biebmodepartemeanttas lea ovddasvástádus. 
• Beaktilis ja boahtteáigásaš ealáhuspolitihkka mii láktá oktii searvodat- ja ealáhusberoštumiid.