Divššohasaid vuoigatvuođat

Divššohassan leat dus máŋggalágan vuoigatvuođat. Dát divššohasvuoigatvuođat leat eanaš oasi muddejuvvon divššohasvuoigatvuođalágas.

Lágas leat njuolggadusaid mat gusket divššohasa ja dearvvašvuođa/dearvvašvuođabargiid gaskavuođaide, ja láhka deattuha divššohasa ja divššohasa dárbbuid.

Lága ferte almmatge geahččat ovttas eará dearvvašvuođabálvalusa guoski lágaiguin, ovdamearkka dihtii:

• Dearvvašvuođabargiidláhka
• Spesialistadearvvašvuođabálvalusláhka
• Gielddadearvvašvuođabálvalusláhka
• Psykalaš dearvvašvuođasuodjalanláhka

Divššohasvuoigatvuođaláhka

Divššohasvuoigatvuođaláhka gusto buot Norgga dearvvašvuođabálvalusaide, sihke almmolaš ja priváhta dearvvašvuođabálvalusaide.

Almmolaš dearvvašvuođabálvalusa sáhttá juohkit golmma bálvalussuorgái:  gielddaid dearvvašvuođabálvalus (maiddái namuhuvvon vuođđodearvvašvuođabálvalus), spesialistadearvvašvuođabálvalus ja bátnedearvvašvuođabálvalus.

Divššohasvuoigatvuođalága njuolggadusat leat ee.:

• Vuoigatvuohta divššohassan - vuoigatvuohta beassat árvvoštallat iežas dearvvašvuođadili ja oažžut dárbbašlaš dearvvašvuođaveahki oktagaslaš áigemeari siskkobealde
• Jávohisvuođa vuoigatvuohta persovnnalaš dieđuid ektui
• Vuoigatvuohta lohkat iežas journála
• Vuoigatvuohta váidit ja eará áššemeannudannjuolggadusat mat galget sihkkarastit divššohasa vuoigatvuođaid
• Dearvvašvuođaveahki miehtat

Loga eambo divššohasaid vuoigatvuođaid birra Dearvvašvuođadirektoráhta siidduin