Duollo- ja divatetáhttii/duollodoaimmahahkii gullet guovddáš Duollo- ja divatdirektoráhtta ja 6 vuollásaš duolloguovllu. Duollobáikkit gávdnojit dáppe: Fredrikstad, Oslo, Kristiansand, Bergen, Troandin ja Romsa. Etáhtta gávdno maiddái 32 eará báikkis riikkas.
Etáhta váldoulbmil lea sihkkarastit ahte duollu ja divvagat mearriduvvojit riekta ja máksojuvvojit rievttes áigái. Etáhta ovddasvástádus lea maid gozihit ahte gálvvut eai fievrreduvvo lobiheamit Norgii dahje olggos Norggas.
Duollo- ja divatetáhtta mearrida ja gáibida duollu ja lassiárvodivvaga gálvvuin stáhtakássii mat fievrreduvvojit riikii. Dasa lassin mearrida ja gáibida etáhtta divvagiid mohtorfievrruin ja eará liigedivvagiid nugo alkohola- ja duhpátgálvodivvagiid. Oktiibuot diet dahke sullii 204 miljárdda ruvnno 2011:s. Etáhtta maid čađaha ollu eará bearráigeahččamiid mat gusket gálvvuid sisafievrredeapmái ja olggosfievrredeapmái.
Etáhtas lei njukčamánu 1.b.2012:s bargoveahka mii vástida 1 844 jahkedoaimma. 2012:s lea das jođihanbušeahtta measta 1 500 miljovnna ruvnno.
Jos jorgaluvvon sámegielat teavstta lea váttis ipmirdit, de gusto dárogielat originála
teaksta.
Dersom det er tvil om hvordan en tekst oversatt til samisk skal forstås, er det
den norske originalteksten som gjelder.