Dutkan lea mearrideaddji jus Norga galgá leat máhttuivuođđuduvvon ja hutkkálaš servodat. Sihke kultuvra, ealáhus ja buorredilli lea sorjavaš dutkama ovdánahttimis ja geavaheamis.
Dutkan hástala sajáiduvvan oainnuid ja lea dárbbašlaš sáhttin dihte mearrat ođđa fenomenaid. Dutkan lea dasa lassin eaktun rabas ja moaittalaš servodatdigaštallamii ja lea veahkkin ahte mii addet iežamet ja birraseamet buorebut. Ođđa máhttu lea fápmun boahttevaš árvoháhkamii ja innovášuvdnii. Dutkan nanne ealáhuseallima gilvalannávcca ja lea ekonomalaš stuorruma gáldu. Dutkamiivuođđuduvvon máhttu šaddá eanet mávssolaš deaividit buorredilleservodaga hástalusaiguin dakkár surggiin go dearvvašvuohta, bargoeallin ja biras.
