Ealáhuseallin

Ealáhus- ja guolástusdepartemeanta hálddaša ja ja heiveha politihka ja rámmaeavttuid ealáhuseallima, gávppi ja mearrajohtalusa várás. Departemeanta geavaha iežas váikkuhangaskaomiid árjjalaččat ja dasa lea dan lassin dehálaš váikkuhit ja čuovvolit eará departemeanttaid ealáhuseallima ovddideaddji barggu.

Dán siiddus gávnnat dieđuid ja dokumeanttaid mat gusket ealáhuseallimii bajimus dásis. Sáhtát guorahallat fáttá dárkileappot fálus mii lea olgeš bealde.

Diŋgo e-poastadieđiheami

Diŋgo RSS-feed (Coahkkal olgešboalu ja máŋge leaŋkka)

Beavttálmahttet ja nannejit vearu bearrama

[Preassadieđáhus, Ruhtadandepartemeanta, 23.06.2014]

Ráđđehus ovddida odne ođastusa, mainna beavttálmahttet almmolaš suorggi ja geahpedit dan byrokratiija. Vearu bearrama árvalit sirdit gielddaid vearrogáibideddjiin Vearroetáhtii. Áiggi mielde dat sáhttá geahpedit bargiid logu sullii 500:in. Vearuid ja divadiid mearrideapmi, bearran ja dárkkisteapmi čohkkejuvvo ovtta etáhtii. Nu nannejit earret eará Vearroetáhta dáistaleami čáhppes barggu vuostá.

Ođđa gielddat mielde ja olles buhtadus

[Preassadieđáhus, Ruhtadandepartemeanta, 06.06.2014]

Differensierejuvvon bargoaddidivat: Ođđa gielddat mielde ja olles buhtadus

[Preassadieđáhus, Gielda- ja ođasmahttindepartemeanta, 06.06.2014]

- Ráđđehus háliida nannet norgga ekonomiija ovdánannávccaid ja sihkkarastit olles riikii árvoráhkadeami, ruhtadanministtar Siv Jensen dadjala. Odne Ráđđehus árvala 233 gieldda ealáhusaide vuolit bargoaddidivada suoidnemánu 1. beaivvi rájes ja árvala buhtadandoaimmaid sektoriidda, mat gártet ortnega olggobeallái. - Buhtadandoaimmat, main lea friijasubmi, ja main áŋgiruššet oktasašjohtalusa ovdii, lea ávkin boaittobeale guovlluid ealáhusaide, gielda- ja ođasmahttinministtar Jan Tore Sanner cealká.

Nanne digitála dorvvolašvuođa

[Preassadieđáhus, Ealáhus- ja guolástusdepartemeanta, 14.05.2014]

– Ráđđehus áigu nannet barggu olaheames dorvvolaš digitála árgabeaivvi sihke fitnodagaide ja ássiide. Danin mii áigut nannet gearggusvuođa, vai sáhttit doalahit alla dorvvolašvuođadási ja fuolahit alla kvalitehta geavaheddjiide, dadjá ealáhusministtar Monica Mæland.

30 miljovnna ruvnno fitnodatálggaheapmái ja ođđaháhkamii

[Preassadieđáhus, Ealáhus- ja guolástusdepartemeanta, 14.05.2014]

– Mii háliidat eanet čeahpes fitnodatálggaheddjiid ja eanet ja eanet kommersialiseremis dutkama jurdagiid, cealká ealáhusministtar Monica Mæland. Fitnodatálggaheami ja ođđaháhkama vuoruheami olis lassána juolludeapmi 30 miljovnna ruvnnuin.

Almmuhit ahte bohtet ođđa, čavgadut njuolggadusat guolástanrihkolašvuođa vuostá

[Preassadieđáhus, Ealáhus- ja guolástusdepartemeanta, 06.05.2014]

Ealáhus- ja guolástusdepartemeanta lea odne nannen ođđa láhkaásahusa, mii guoská guliid gáddái buktima raporteremii. –Dat mielddisbuktá ahte nagodit buorebut gozihit doaimmaid ja eastadit láhkarihkkumiid, guolástanministtar Elisabeth Aspaker dadjala.

Ráđđehus áigu lasihit riddoguolásteami gánnáheami ja rekruterema

[Preassadieđáhus, Ealáhus- ja guolástusdepartemeanta, 29.04.2014]

- Mii láhčit dál dilálašvuođaid dasa, ahte eanet nuorat sáhttet boahtteáiggis bargat guolásteaddjin. Buoret oahpahalliortnet ja unnimus fatnasiid buoret doaibmavuođđu leat mávssolaš vuogit hástalit nuoraid ealáhussii, stáhtaministtar Erna Solberg dadjala.

Áigot lasihit báŋkomárkana gilvvu

[Preassadieđáhus, Ruhtadandepartemeanta, 25.04.2014]

Ráđđehus ovddida odne Ruhtadanmárkandieđáhusa, mii ovddiduvvo juohke jagi. Ruhtadanministtar Siv Jensen almmuha álgagiid, maiguin áigot lasihit gilvvu.

Beroštupmesearvevuođaid vealgereanttuid geasus

[Preassadieđáhus, Ruhtadandepartemeanta, 24.04.2014]

2014 ásahedje njuolggadusaid, maiguin ráddjejit beroštupmesearvevuođaid reantogessosiid, amaset daid geavahit unohasat vearroplánemii. Njuolggadusaid ásaheami oktavuođas lágiduvvui gulaskuddan njuolggadusaid spiehkasteami hárrái.

Molssaevttolaš investerenfoanddaid ođđa láhkaárvalus

[Preassadieđáhus, Ruhtadandepartemeanta, 11.04.2014]

Ruhtadandepartemeanta lea odne ovddidan Stuorradiggái ođđa láhkaárvalusa, mii guoská molssaevttolaš investerenfoanddaid hálddašeapmái. – Lágain ovddidit suorgái rámmaeavttuid, mat nannejit gilvalannávccaid, ja maiguin váldet vuhtii investoriid ja geavaheddjiid suodjaleami, ruhtadanministtar Siv Jensen dadjala.

Eanet dokumeanttat fáttá birra