Láhkaevttohus mii guoskka elliidčálgui
Norgga elliidčálggu doaibmaplána čuovvoleapmin, Norgga eanadoallo- ja biebmodepartemeantta ja Norgga guolástus- ja riddodepartemeanta leat ovttas hábmen ođđa elliidčálgoláhkaevttohusa.
Evttohuvvon láhka boađášii dála lága sadjái, mii bođii jagis 1974, ja guoská seamma ládje go ovddit láhka, sihke oamastuvvon elliide ja meahcceelliide.
Láhkaárvalus evttoha standárddaid mat láhčet vuođu buori elliidčálggu ovddideapmái, ja mat leat dehalaččat elliid árvvusatnimii. Lága áigumuš vuhtii váldá elliid árvvusatnima, ja galgá dainna lágiin movttidahttit ovddidit čálggu ja árvvusatnima elliid iežaset dihte. Máŋga ođđa gáibádusa evttohuvvojit, seammás go muhtin dálá lága ja njuolggadusaid prinsihpat jotkojuvvojit.
Olbmuid máhttu elliid návccaid ja dárbbuid birra lea sakka ovdánan, ja lea oktan servodaga etihkalaš ulbmiliiguin dan hárrái mo mii háliidit ahte elliid galgá meannudit etihkalaččat, dán evttohusa vuođđun. Dat ahte elliin lea árvu iešalddiset, lassin dasa ahte dat leat ávkkálaččat olbmuide, lea dehalaš eaktu lágas. Dán berre maiddái dulkot dála sosiologiija etihkalaš standárddaid ektui mii guoskka elliidmeannudeapmái.
Jus háliidat eambbo dieđu dán birra, loga: