Vuosttamuš váldosoahpamuš dákkojuvvui jagi 1950. Váldosoahpamuš regulere eanadoallo-ráđđádallamiid proseassa. Soahpamuša váldomearrádus cealká ahte:
Stáhta ja eanadoallu galgaba ráđđádallat eanadoallogálvvuid haddiid birra ja ealáhusa eará mearrádusaid birra.
Eanadoalu ráđđádallanovddasvástádus lea biddjojuvvon Norgga bonddiidsearvái (Norges Bondelag) ja Norgga boanda- ja smávvadálolašsearvái (Norsk Bonde- og Småbrukarlag), ja ráđđehus nammada stáhta ráđđádallanlávdegotti.