Eanadoalloeatnamat leat Norggas buohkanassii 10,3 miljon dehkara, dahje 2,1 dehkara juohke riikkaássi nammii. Eanadoalloeatnamat leat sullii 3-proseantasaš oassi Norgga eatnamiin, ja EU:s fas eanadoalloeatnamiid oassi lea gaskamearálaččat 57 proseantta stuoru. Norgga buvttadeaddji vuovdi lea 70 miljon dehkara viiddis dahje 22-proseantasaš oassi riikka eanan-viidodagas, ja 75-proseantasaš oasi gokčet fas várit, jávrrit ja ássanguovllut.
Eanadoallosoahpamuš bidjá dehálaš láidestusaid eanadoalu ekonomalaš rápmaeavttuide. Soahpamuš lea stáhta ja eanadoalu gaskasaš ráđđádallamiid boađus, mas leat soahpan eanadoallogálvvuid hattiid ja ealáhusa eará mearrádusaid, ja buohkanassii dat soahpamuš lea eanadoalloealáhusa dinestussoahpamuš. Eanadoalu rápmaeavtttut maid sorjájit riikkaid-gaskasaš gávpesoahpamušain.