Mii dárbbašit gilvojuvvon eatnamiid ja eatnamiid maid sáhttá gilvit, vai dan láhkai sihkkarastit borramušbuvttadeami guhkes áigodagas. Maŋimuš jagiid raporttaid mielde leat jahkásaččat geavahišgoahtán eará ulbmiliidda sullii 13 000 dekára gilvojuvvon eanadoalloeatnamiid ja eanadoalloeatnamiid, maid sáhtášii gilvit. Gilvojuvvon eatnamiid oassi lea sullii 8000 daa ja dat lea njiedjan sullii 30 %. Lea ain guhkes mátki beallidanulbmilii, mii lea 5700 daa gilvojuvvon eatnamat jahkái. Dat lea menddo ollu, go dušše golbma proseantta Norgga viidodagas lea gilvojuvvon. Erenoamážit bures buvttadeaddji guovllut gávpogiid ja giliid lahkosiin áitojuvvojit.
Areálaplánemis árvvoštallet oppalaččat huksendárbbuid, fievrridanvuogádaga, ruonástruktuvrra, olgonastinberoštumiid, biologalaš girjáivuođa ja kulturmuitosuodjaleami. Eatnamiid gáhtten váldojuvvo dás duohko fárrui bajit dási kriteran, go plánejit boahtte áiggi johtolatráhkadusaid.
