Ráđđehusa ulbmil lea ahte 15 proseantta borramušbuvttadeamis ja borramušgeavaheamis galgá leat ekologalaš jagi 2020. Dasto cealká vel Ráđđehusjulggaštus ahte Norga lea bázahallan eará riikkaide das mii guoská geavaheaddjiid vejolašvuođaide skáhppot alcceseaset ekologalaš gálvvuid ja ahte ráđđehus áigu buoridit dán suorggi. Ráđđehus dáhttu ahte almmolaš eiseválddit mannet njunnošis ovddasvástideaddji geavaheaddjin ja ohcalit birrasa seasti gálvvuid ja dakkár gálvvuid maid duogábealde leat alla ehtalaš ja sosiála standárddat.
