Ekonomiija ja ealáhuseallin

Ruhtadandepartemeanttas lea ovddasvástádus plánet ja čađahit ekonomalaš politihka. Ealáhus- ja guolástusdepartemeantas lea ovddasvástádus hábmet boahtteáigái heivehuvvon ealáhuspolitihka.

Dán siiddus gávnnat daid ođđasiid departemeanttain mat leat ekonomiija ja ealáhuseallima birra. Sáhtát guorahallat fáttá dárkileappot fálus olgešbealde.

Diŋgo RSS-feed (Coahkkal olgešboalu ja máŋge leaŋkka)

Beavttálmahttet ja nannejit vearu bearrama

[Preassadieđáhus, Ruhtadandepartemeanta, 23.06.2014]

Ráđđehus ovddida odne ođastusa, mainna beavttálmahttet almmolaš suorggi ja geahpedit dan byrokratiija. Vearu bearrama árvalit sirdit gielddaid vearrogáibideddjiin Vearroetáhtii. Áiggi mielde dat sáhttá geahpedit bargiid logu sullii 500:in. Vearuid ja divadiid mearrideapmi, bearran ja dárkkisteapmi čohkkejuvvo ovtta etáhtii. Nu nannejit earret eará Vearroetáhta dáistaleami čáhppes barggu vuostá.

Ođđa gielddat mielde ja olles buhtadus

[Preassadieđáhus, Ruhtadandepartemeanta, 06.06.2014]

- Ráđđehus háliida nannet norgga ekonomiija ovdánannávccaid ja sihkkarastit olles riikii árvoráhkadeami, ruhtadanministtar Siv Jensen dadjala. Odne Ráđđehus árvala 233 gieldda ealáhusaide vuolit bargoaddidivada suoidnemánu 1. beaivvi rájes ja árvala buhtadandoaimmaid sektoriidda, mat gártet ortnega olggobeallái.

30 miljovnna ruvnno fitnodatálggaheapmái ja ođđaháhkamii

[Preassadieđáhus, Ealáhus- ja guolástusdepartemeanta, 14.05.2014]

– Mii háliidat eanet čeahpes fitnodatálggaheddjiid ja eanet ja eanet kommersialiseremis dutkama jurdagiid, cealká ealáhusministtar Monica Mæland. Fitnodatálggaheami ja ođđaháhkama vuoruheami olis lassána juolludeapmi 30 miljovnna ruvnnuin.

Áigot lasihit báŋkomárkana gilvvu

[Preassadieđáhus, Ruhtadandepartemeanta, 25.04.2014]

Ráđđehus ovddida odne Ruhtadanmárkandieđáhusa, mii ovddiduvvo juohke jagi. Ruhtadanministtar Siv Jensen almmuha álgagiid, maiguin áigot lasihit gilvvu.

Beroštupmesearvevuođaid vealgereanttuid geasus

[Preassadieđáhus, Ruhtadandepartemeanta, 24.04.2014]

2014 ásahedje njuolggadusaid, maiguin ráddjejit beroštupmesearvevuođaid reantogessosiid, amaset daid geavahit unohasat vearroplánemii. Njuolggadusaid ásaheami oktavuođas lágiduvvui gulaskuddan njuolggadusaid spiehkasteami hárrái.

Molssaevttolaš investerenfoanddaid ođđa láhkaárvalus

[Preassadieđáhus, Ruhtadandepartemeanta, 11.04.2014]

Ruhtadandepartemeanta lea odne ovddidan Stuorradiggái ođđa láhkaárvalusa, mii guoská molssaevttolaš investerenfoanddaid hálddašeapmái. – Lágain ovddidit suorgái rámmaeavttuid, mat nannejit gilvalannávccaid, ja maiguin váldet vuhtii investoriid ja geavaheddjiid suodjaleami, ruhtadanministtar Siv Jensen dadjala.

Lávkki lagabus davviriikkalaš harmoniserema

[Preassadieđáhus, Ruhtadandepartemeanta, 08.04.2014]

Ruhtadandepartemeanta lea guhká bargan dan ovdii, ahte Davviriikkain livčče ovtta oaivilis dan hárrái, ahte báŋkodoaimmain galget čuovvut soliditehtagáibádusaid, mat gustojit dan riikkas, gos sii doaimmahit barggu, nu gohčoduvvon isitriikamuddema (vertslandsregulering). – Dát bargu lea dál ovdánan, ruhtadanministtar Siv Jensen dadjala.

Ráđđehus árvala eanet gielddaide differensierejuvvon bargoaddidivada

[Preassadieđáhus, Ruhtadandepartemeanta, 13.03.2014]

Ráđđehus árvala viiddidit dálá differensierejuvvon bargoaddidivada ortnega, nu ahte dat fátmmasta vel 31 gieldda. Seammás guovlluguovdasaš doarjaga njuolggadusaide bohtet eanet sektorspiehkastagat go ovdal, mii dahká ahte muhtin ealáhusaid ferte váldit eret ortnegis. Árvalus sáddejuvvo odne dohkkeheapmái EFTA gozihanorgánii, ESA:i.

Nannosut rádjegozáhus ja beaktilut almmolaš suorgi

[Preassadieđáhus, Ruhtadandepartemeanta, 04.03.2014]

Ráđđehus áigu beavttálmahttit ja álkidahttit almmolaš sektora. Dál Ráđđehus čuovvula áigumuša Duollo- ja divatetáhta ja Vearroetáhta ođđasit organiseremiin. Ulbmilin lea beaktilut ja buoret vearro- ja divathálddašeapmi. Vearroetáhta oažžu ollislaš ovddasvástádusa vearuin ja divadiin, ođđa duolloetáhta fas nannejuvvo ja dan doaibma gáržžiduvvo rádjegoziheapmái ja gálvofievrrideami hálddašeapmái.

Buvttadannávccaid kommišuvnna nammadeapmi

[Preassadieđáhus, Ruhtadandepartemeanta, 07.02.2014]

Ráđđehus lea odne nammadan kommišuvnna, mii galgá kártet makkár sujaid geažil buvttadeapmi ii leat ovdánan nu ollu go ovdal, ja mii galgá árvalit konkrehta doaimmaid, maiguin nannet Norgga ekonomiija buvttadannávccaid ja ovdánannávccaid. Buvttadannávcca kommišuvnna jođiha professor Jørn Rattsø.

Eanet dokumeanttat fáttá birra