Fágaskuvlaoahput leat oanehis virgeoahput mat leat huksejuvvon joatkkaohppui dahje sullásaš reálagelbbolašvuhtii, ja main lea viidodat mii vástida unnimusat jahkebeali oahppojagi ja eanemusat guokte oahppojagi.
Fágaskuvlaoahppu fátmmasta ollu iešguđetlágan fálaldagaid. Fylkkagielda fállá earret eará teknihkalaš ja maritima fágaskuvlaoahppuid, ja fálaldagaid dearvvašvuođa- ja sosialfágaid siskkobealde. Priváhta fálliin leat ollu kreátiiva fágaid, merkantilafágaid, service-, media-, multimedia- ja IKT-fága fálaldagat. Fágaskuvlaoahppu galgá leat molssáeaktu alit ohppui. NOKUT dohkkeha fágaskuvlaoahpuid. Dohkkeheapmi mielddisbuktá rievtti studentii oažžut doarjaga Loatnakássas.
