Finnmárkkukommišuvdna galgá čielggadit dálá vuoigatvuođaid Finnmárkkus. – Sihkkarastit čielggadeami vuoigatvuođain mat leat dehálaččat sámi álbmogii ja eará meahccegeavaheddjiide Finnmárkkus ja lea dehálaš oassin Finnmárkkulágas, dadjá justisministtár Knut Storberget.
Stuoradikkis stuorát eanetlohku dohkkehii Finnmárkkulága 2005:s. Lága mielde badjelasas válddii Finnmárkkuopmodat (FeFo) suoidnemánu 1.b.2006:s Stáhtavuovdi SF eatnamiid Finnmárkkus. Lága mielde galgá ásahuvvot kommišuvdna, Finnmárkku -kommišuvdna, mii galgá čielggadit dálá vuoigatvuođaid eatnamiidda maid Finnmárkkuopmodat válddii badjelasas. Dasa lassin galgá ásahuvvot sierra duopmostuollu. Finnmárkku meahcceduopmostuollu, mii galgá dubmet nákkuin mat čuožžilit dan oktavuođas. Kommišuvnnas galget leat vihtta miellahtu. Jođiheaddjis galgá leat alimusrievtti duopmáriid gelbbolašvuohta ja guovtti eará miellahtus gáibiduvvo diggegotti - duopmáriid gelbbolašvuohta. Unnimusat guokte miellahtu galgaba leat orron dahje sudnos galgá man nu ládje leat nanu čanastat Finnmárkku fylkii.
Stáhtaráđis, njukčamánu 14.b.2008:s nammaduvvui Finnmárkku –kommišuvdna dáid lahtuiguin:
Jon Gauslaa, Oslo, jođiheaddji
Anne Marit Pedersen, Deatnu
Hilde Agathe Heggelund, Drammen
Ole Henrik Magga, Guovdageaidnu
Kjell Næss, Mátta – Várjjat
2007 láhkaásahusa mielde lea Duopmostuollohálddahus mii mearrida gos kommišuvnna čállingoddi galgá leat.
Meahcceduopmostuolu nammadeapmi maŋiduvvo veaháš daningo ii leat vejolašvuohta fievrredit áššiid duopmostullui ovdal go kommišuvdna lea geargan čielggadeami dálá vuoigatvuođaid dan vuosttaš guorahallansuorggis.
Eanet dieđuid oažžu ossodatdirektevrras Knut Helge Reinskou, tlf. 22 24 53 77.
