Šilljui nammasaš viggamuš fállá eanadoalus heivehuvvon bálvalusaid oahpahus-, bajásšaddan-, dearvvasvuođa- ja fuollasurggiide. Bálvalusat sáhttet leat doaimmat mat gusket skuvllaide, psyhkalaš dearvvasvuhtii, demensii, barguihárjehallamii, riikiifárrejeaddjiid ja báhtareaddjiid integrerendoaibmabijuide, dearvvasvuođa- ja fuolladoaimmaid áiddasteaddji doaibmabijuide, gárrenmirkkuid áiddasteaddji doaibmabijuide, vearredahkkiid vástesaš fuollabargui ja vearredaguid áiddasteaddji doaibmabijuide. Odne leat sullii 800 “Silljui”-eanadoallodálut (“Inn på tunet”-eanadoallodálut).
Eanadoallo- ja biebmodepartemeanta áigu ovttasráđiid duoid nuppiid departemeanttaiguin ja servodat- ja ealáhusdoaibmiiguin doarjut kvalitehta dáfus nana bálvalusaid huksema ja ovddideami servodahkii ávkin.
