Norgga multilaterála ja bilaterála olmmošvuoigatvuođapolitihka ulbmil lea buoridit máilmmis olmmošvuoigatvuođaid doahttaleami. Dán barggu deháleamos multilaterála forat leat ON:a bajimuš čoahkkin ja ON:a olmmošvuoigatvuođaráđđi. Norgga bilaterála barggus leat olmmošvuoigatvuođagulahallamat Kiinnáin, Indonesiain ja Vietnámain erenoamážat.
Erenoamáš ulbmilsurggiide gullet jápminduomuid loahpaheapmi, biinnideapmi, olbmo vealaheapmi su soahkabeali, čearddalašvuođa dahje sohkabeallesoju geažil, ja rahčamušat sátnefriddjavuođa, oskku ja eallinoainnu friddjavuohta ovddideapmái, riektestáhtavuođđojurdagat ja ekonomalaš, sosiála ja kultuvrralaš vuoigatvuođat. Norgga olmmošvuoigatvuođapolitihka vuoruhuvvon joavkkut leat olmmošvuoigatvuođaid gáibideaddjit, mánát, nissonolbmot, unnitlogut ja álgoálbmogat.