Muorraávdnasiid buvttadeaddjin vuovdesuorgi lea mielde váikkuheamen positiivvalaččat dálkkádatdillái, muhtumassii dannego bissovaš muorrabuktagiid geavaheapmi guhkidit karbonačatnama mii dáhpáhuvvá vuvddiin, ja muhtumassii dannego muorrabuktagat bohtet eará buktagiid sadjái main lea eambbo dálkkádatgássaluoitimat go buvttaduvvojit dahje geavahuvvojit. Huksensuorgi lea sivalaš stuorra oassái dain dálkkádatgássain mat luitojuvvojit lundui Norggas. Dát dálkkádatgássaluoitimat gullet ávdnasiid geavaheapmái ja buvttadeapmái. Iskkadeamit čájehit ahte dálkkádatlaš vuoitun jos betoŋgga sajis álgit geavahit čavdemuoraid, lea vejolaš rehkenastit 0,4 kg CO2-ekvivaleanttaid juohke muorrakilo nammii mii geavahuvvo.
Go eambbo muorra geavahuvvo ja muohkaduvvo, de dat váikkuha vuovdedoalu árvobuvtta-deami buorideapmái. Departemeantta ealáhusovddidanstrategiijas, mas dárogillii lea namman “Ta landet i bruk” (Váldde eatnama atnui), dehálaš oassin lea dakkár árvobuvttadeapmi mas muorraávdnasat leat vuođđun. Eanaš suohkaniin Norggas lea doaimmat mat vuovdeávdnasiid vuođul. Departemeantta dehálemos váikkuhangaskaoapmi muorrasuorggi árvobuvttadeami várás lea muoravuđot hutkanprográmma (trebasert innovasjonsprogram), mii juolluda doarjagiid innovašuvdnaprošeavttaide main miehtá árvobuvttadeami geavahit muora vuovddi rájis gávpemárkana rádjai. Prográmma hálddaša Innovašuvdna Norga.
Dehálaš lea ahte doaibmiin lea buorre ovttasbargu miehtá árvobuvttadeami, vuovddi rájis gávpemárkana rádjai. Buvttabuorideapmi, buvttahutkamat ja máhttobuorideapmi leat eavttut buoret gálvojohtui ja buoret gálvokvalitehtii.
