Ráđđehus árvala ahte juolluduvvo
1,5 milliuvnna ruvnno ráhkkanahttit ja čađahit Nuortasámi musea
huksengilvvu Njávddámis.
Statsbygg lea evttohan ođđa gilvvu
ja lea čujuhan movt vejolaččat sáhtášii proseavtta ráhkadit
álkibun. Dan vuođul sáhttá joatkit planenbargguiguin 2006:s nu ahte
prošeakta sáhttá álggahuvvot boahtte jagi. 2006:s dárbbaša
Statsbygg 1,2 milliuvnna ruvnno vai sáhttá ráhkkanhttit ja čađahit
ođđa gilvvu ja vai sáhttá bargagoahtit ráhkadit prošeavtta
álkibun.
Vai sáhttá oažžut áigái buori
diehtojuohkima nuortalaččaid kultuvrra ja historjjá birra dasto go
musea lea gárvvis, de fertejit ge čájáhusa plánenbarggut
álggahuvvot dán jagi. Nuortasámi musea dárbbaša 300 000 dien
bargui. Prošektii ii lean árvaluvvon doarjja 2006:s.
Stuoradiggedieđáhusas nr. 1
(2005-2006) dieđihii Kultur- ja girkodepartementa ahte
huksejeddjiid fálaldat Nuortasámi musea huksemii lei arvat
bajábealde jurddašuvvon ruhtagolu, ja prošeavtta ii sáhttán
čađahit bušeahtarámma siskkobealde. Departemeanta dieđihii ahte sii
galge ságastallat Sámedikkiin ja Statsbyggain prošeavttain viidásit
bargguid birra, ja dasto ovddidit ášši fas Stuoradiggái.