Dás don leat:
Suodjalusministtar lea Suodjalusdepartemeantta hoavda ja politihkalaš njunuš. Sus lea stáhtačálli ja politihkalaš ráđđeaddi.
Departemeantaráđđi lea departemeantta bajimus fásta virgeolmmoš. Departemeantaráđđi galgá veahkehit stáhtaráđi ja addit ráđiid stáhtaráđđái departemeantta jođihan- ja buohtalastinbarggus.
Departemeantaráđi bargovehkii gullá sadjásaš departemeantaráđđi, gii doaibmá departemeantar��đi ovddas, siskkáldas dárkkisteapmi ja čállingoddi. Departemeanta juohkása muđui viđa fágaossodahkan, maid guđege jođiha ekspedišuvdnahoavda.
Suodjalusdepartemeanttas leat čuovvovaš ossodagat:
- Bargit ja oktasaš bálvalusat
- Sihkkarvuođapolitihkka
- Ekonomiija ja stivren
- Suodjaluspolitihkka ja guhkes áigge plánen
Suodjalusdepartemeantta vuolábealde leat dát etáhtat:
- Suodjalus
lea Suodjalusdepartemeantta stuorámus vuollásaš etáhta, man ovddasvástádus lea fámuid buvttadeapmi ja sierra vearjosurggiin.
- Suodjalusa dutkaninstituhta (SDI)
ulbmil lea dutkat ja ovdánahttit Suodjalusa dárbbuid mielde. SDI galgá leat Suodjalusa politihkalaš ja militeara jođihangotti ráđđeaddi dakkár fágalaš gažaldagain, mat gullet instituhta bargosuorgái.
- Suodjalushuksehusas
leat kantuvrrat miehtá riikka, ja das lea ovddasvástádus buot Suodjalusa visttiin.
- Nationála sihkkarvuođaváldi (NSV)
lea ásahuvvon direktoráhttan ođđajagemánu 1. b. 2003 rájes. Direktoráhtta gullá hálddahuslaččat Suodjalusdepartementii, ja vástida fágalaččat Justisdepartementii siviila suorggi doaimmaid čoavdimis ja Suodjalusdepartementii militeara suorggis.
Maŋimuš ođasmahttojuvvon: 04.02.2010
Jos jorgaluvvon sámegielat teavstta lea váttis ipmirdit, de gusto dárogielat originála
teaksta.
Dersom det er tvil om hvordan en tekst oversatt til samisk skal forstås, er det
den norske originalteksten som gjelder.