Jođihangotti čállingoddi ráhkkanahttá, kvaliteahtasihkkarastá, buohtalastá ja vuoruha departemeantaráđi ovddas áššiid, mat ovddiduvvojit stáhtaráđđái, ja oppalaččat ovddasvástidit stáhtaráđi doaimmain.
Suodjalusdepartemeantta gulahallanovttadat lea organiserejuvvon sierra ovttadahkan departemeanttaráđi vuolábeallái. Ovttadaga ovddasvástádus lea fágalaš koordineren Suodjalusa eará gulahallanbarggu ektui, ja Suodjalusa mediaguovddáža ja F-bláđi ektui.
Siskkáldas dárkkisteapmi galgá veahkehit Suodjalusa juksat ulbmiliiddis. Dat veahkeha stivret Suodjalusdepartemeantta ja gozihit dan vuollásaš ossodagaid.
Bargiid ja oktasašbálvalusaid ossodat fátmmasta máŋga fágasuorggi, sihke hálddahusa ja daid surggiid dáfus, mat laktásit ovdánahttimii.
Sihkkarvuođapolitihka ossodagas lea ovddasvástádus sihkkarvuođapolitihkalaš gažaldagain, ja departemeantta riikkaidgaskasaš doaimmain ja oktavuođain sihkkarvuođapolitihka suorggis.
Ekonomiija- ja stivrenossodagas lea váldoovddasvástádus plánet ja ovddidit Suodjalusa doaimmaid, organisašuvnna ja struktuvrra iešguđege guhkesáiggeplánema áigodagas. Ossodat galgá maid bajimuš dásis stivret ja gozihit dan vuollásaš ossodagaid doaimmaid.
Suodjaluspolitihka ja guhkesáiggiplánema ossodagas lea ovddasvástádus strategalaš guorahallamiin, bajimuš guhkesáiggepolitihka ovddideames ja suodjalussuorggi plánemis.
Jos jorgaluvvon sámegielat teavstta lea váttis ipmirdit, de gusto dárogielat originála
teaksta.
Dersom det er tvil om hvordan en tekst oversatt til samisk skal forstås, er det
den norske originalteksten som gjelder.