Eatnama stuorámus ja johtileamos dálkkádatrievdamiid gaskkas leat Arktisa dálkkádatnuppástusat, mat bahát váikkuhit ekovuogádagaid. Nie leat loahppajurdagat ACIA (Artic Climate Impact) raporttas mii dál lea jorgaluvvon dárogillii ja sámegillii. Raporta mii diibmá ilmmai eaŋgalasgillii, lea Arktisa dálkkádatrievdamiid dieđalaš dutkamiid čoahkkáigeassu.
- Arktisa dálkkádaga johtilis rievdamat váikkuhit oppa máilmmi dálkkádahkii. Dat dagahit ovdamearkka dihtii miehtámáilbmásaš liegganeami ja mearradási dađis loktaneami. Sihke politihkkárat ja ealáhuseallin fertejit dán vuhtii váldit. Vurdojuvvo ahte dálkkádatrievdamat mielddisetbuktet stuorra fysihkalaš, ekologalaš, sosiála ja ekonomalaš nuppástusaid. Danin lea hui illudahtti ahte raportta dál leat jorgalahttán dárogillii ja sámegillii, nu ahte eanebut dan sáhttet lohkat, lohká birasgáhttenministtar Helen Bjørnøy.
Polárainstituhtta dat, ACIA2a čállingoddin mii lea Birasgáhttendepartemeantta vuolde, ja AMAP, Arctic Monitoring and Assessment Programme čállingoddin, mat ovddasvástidit vuorusteaset dárogielat ja sámegielat almmustahttima.
Raportta almmustahttima oktavuođas lágidii Sámi Allaskuvla ovttas Norgga Polárainstituhtain dálkkádatseminára davviguovllu dálkkádatrievdamiid váikkuhusaid ja sámi ealáhusaid heivehanstrategiijaid birra Guovdageainnus skábmamánu 22.-23. b. Seminára lea ACIA2a vuollásaš nubbi fágačoahkkin. ACIA2 lea ACIA-raportta riikkalaš čuovvoleapmi Birasgáhttendepartemeantta bealis. Guovdageainnu fágačoahkkin lei fora mas ealáhusdoaimmaheaddjit, hálddašeaddjit ja dutkit digaštalle daid hástalusaid ja vejolašvuođaid, maid ođđa dálkkádat sáhttá dagahit iešguđetágan ealáhusaide nu mo boazodollui.
ACIA raporttas (pdf - 10,7 MB)
