ON:a vuovdefora (UN Forum on Forests, UNFF). ON:a bargu, man ulbmil lea ovddidit ceavzilis vuovdehálddašeami miehtá máilmmi, lea organiserejuvvon ON:a vuovdeforan (UNFF). UNFF vuođđuduvvui jagi 2000. UNFF:a barggu vuođđun leat bajimuš máilmmi-viidosaš vuovdepolitihkalaš ulbmilat, mat leat nannosit gitta ON:a duhátjahkásaš ulbmiliin. Váldobargu lea čađahit doaibmabijuid maidda lea riikkaidgaskasaš ovttamielalašvuohta, ja mat gusket vuovderesurssaid hálddašeapmái gullevaš biraslaš, ekonomalaš ja sosiála áššiide. UNFF:as lea bargomearrádus ja bargoprográmma mat bistet jahkái 2015.
Forest Europe, (Ministerial Conference on the Protection of Forest in Europe), lea vuovdepolitihkalaš ovttastus mii čohkke eurohpálaš riikkaid ja máŋga internašunála ja eaktodáhtolaš organisašuvnnaid strategiijaid ovttasbargui dustet Eurohpá vuovdesuorggi hástalusaid ja vejolašvuođaid. Forest Europe lea vuovdepolitihkalaš deháleamos ovttasbargoproseassa Eurohpás. Guhtta ministerkonfereanssa leat lágiduvvon álggaheami rájes 1990:s. Norga doaimmahii Forest Europe ovdagotti jagi 2008 rájes gitta jagi 2011 rádjai, ja lágidii guđát ministerkonfereanssa Oslos geassit 2011. Norga oassálastá ain Forest Europe stivrenorgánas, ja das lea ain guovddáš rolla dán doaimmas.
