Sisafárrenossodagas lea bajimus ovddasvástádus hábmet ja oktiiordnet stáhta dorvoohcciid- ja sisafárrenpolitihka.
Ossodagas lea ovddasvástádus olgoriikalašlágas ja stáhtalahttolágas, ja daidda gulli láhkaásahusain. Ossodat galgá fuolahit Norgga beroštumiid EUa ja Norgga Schengen-ovttasbarggu ektui, ja ollu eará riikkaidgaskasaš organisašuvnnaid ektui nu mo ONa Dorvoohcciid Allakommisára (UNHCR) ja International Organisation for Migration (IOM) ektui.
Ossodat galgá maiddái čuovvolit ja oktiiordnet geavada ja policyovddideami das mii guoská dorvosaji (asyla), visa, bearašovttastuvvama ja bargolobi ohcamiid meannudeapmái. Sisafárrenossodagas lea ovddasvástádus hábmet njuolggadusaid stáhta dorvoohcciidorohagaid várás ja čuovvolit daid jođiheami.
Ja de lea ossodagas ovddasvástádus dain gažaldagain mat gusket dorvoohcciid máhccamii, máhcaheapmái ja lobihis sisafárremii. Ossodaga bargu lea juhkkojuvvon fágajoavkkuide, mat raporterejit njealji ossodatdirekrevrii.
Sisafárrenossodagas lea etáhtastivrenovddasvástádus Olgoriikalašdirektoráhtas ja Olgoriikalašnammagottis.