Stáhta bearranguovddáža (SB) váldobargu lea gáibidit ráŋggáštusgáibádusaid (sáhkuid), maid justiisaeiseválddit leat addán (politiija ja duopmostuolut). SB bearrá maiddái buhtadusaid, duoguštemiid, áššegoluid ja geaidnojohtolatdivvadiid. Muhtun stáhtalaš orgánat geavahit SB iežaset gáibádusaid bearramii. Ovdamearkkat leat ii-máksojuvvon NRK-liseansa, mohtorvuojániid mávssetkeahtes jahkedivat (Duollo- ja divatetáhtta), Rehketdoalloregisttara maŋŋonandivat ja Stáhta oahppoloatnakássa mávssetkeahtes oahppoloanat. Áiggi mielde SB oažžu eanet bargoaddiid – geassemánu 31.b.2012 rádjái lei lohku 36.
SB jođiha ja ovdánahttá oktasaš áššemeannudanvuogádaga dábálaš namsmánniide ja SB:i, ja hálddaša maiddái diehtobása bággogessosiid ovttastahttimii. SB:s lea lassin ovddasvástádus doaimmahit politiija- ja leansmánneetáhta ekonomiijavuogádaga.
SB bearai 2011:s oktiibuot 3 785 milj. ruvnno. Stuorámus gáibádusšlájat ledje sáhkut ja duogušteamit (1 356 milj.), oahppoloanat (269 milj. ruvnno) ja NRK-liseansa (291 milj.ruvnno).
SB ásahuvvui geassemánu 1.b.1990. Etáhta lei álggos Justiisa- ja politiijadepartemeantta vuollásaš, muhto lea 2001 rájes leamašan Finánsadepartemeantta vuollásaš. Etáhtas lea buot doaibma Mo i Rana:s Nordlándda fylkkas. Njukčamánu 1.b.2012 bargoveahka vástidii 347 jahkedoaimma.
Jos jorgaluvvon sámegielat teavstta lea váttis ipmirdit, de gusto dárogielat originála
teaksta.
Dersom det er tvil om hvordan en tekst oversatt til samisk skal forstås, er det
den norske originalteksten som gjelder.
