Dás don leat:
Vuotnaguolástuslávdegoddi nammaduvvo
-Dat lea olahus Riddolávdegotti barggu čuovvoleamis, cealká guolástusministtar Elisabeth Aspaker maŋŋil ráđđádallančoahkkima Sámedikkiin otne.
Sámediggepresideanta Aili Keskitalo ja guolástusministtar leaba soahpan otne nammadit Vuotnaguolástuslávdegotti. Lávdegoddi galgá doaibmat guolástusáššiid ráđđeaddi orgánan golmma davimus fylkka eiseválddiid ektui, ja galgá earret eará addit ráđiid vuotnalinjjáid mearridemiin. Vuotnalinjját muddejit stuorra fatnasiid bivdimis vuonain.
-Mii háliidat ahte lávdegoddi galgá doaibmagoahtit nu johtilit go vejolaš, ja ulbmil lea nammadit miellahtuid ovdal guovvamánu 1.beaivve, dadjá guolástusministtar Elisabeth Aspaker.
Sámediggepresideanta ja guolástusministtar leaba maid soahpan Sámedikki ja departemeantta gaskasaš guolástusáššiid ráđđádallamiidda njuolggadusaid.
Jos jorgaluvvon sámegielat teavstta lea váttis ipmirdit, de gusto dárogielat originála
teaksta.
Dersom det er tvil om hvordan en tekst oversatt til samisk skal forstås, er det
den norske originalteksten som gjelder.