Sara Larsson hui ilolaš go Upmi vuittii kulturoaivegávpoga gilvvu
Otne bođii vurdojuvvon diehtu ahte garra bargu lea leamaš gánnáhahtti. Upmi vuittii gilvvu Lundda gávpoga vuoste ja šadda dasto Ruoŧa evttohas Eurohpa kulturoaivegávpogin 2014. Nu dieđihii jury otne. Sara Larsson sávvá ahte dat addá Upmái vejolašvuođa profileret iežas gávpogin Sámis.
Kultuvra ii leat dušše juoga man galgá čájehit, kultuvra lea vuođđu olbmo rievttis leahkit dan gii son lea ja čeavlastallat iežas kultuvrras. Dan lea Upmi váldán vuhtii. Sámit leat lunddolaš oassi ja dan oaidná Upmi gielda positiivalaš riggodahkan, lohká Sara Larsson, Sámedikki ođđa stivrra ságadoalli, ieš Upmiorru ovcci jagi rájis.
Ovdamearkan Sara Larsson lokte sámi vahku Upmis mii diibmá ávvudii 10 jagi. Dan vahku siste čoahkkánit sámit iešguđege guovllus oassálastindihte valljes lágideamis. Dalle šaddá Upmi lunddolaš čoahkkánanbáiki ja gaskaboddosaš oaivegávpot orjješsámi guovllus. Upmis lea 1642 rájis golbma bohccooaivvi gávpotvearjjus ja Västerbottena eanagoddevearjjus lea olles boazu.
- Dat vuoseha čielgasit ahte sámiid eksisteansa Upmis lea leamaš mearkkašahtti, lohká Larsson.
Oktavuohta
Sara Larsson, 070-378 88 24
